Православный информационный портал
Православный
информационный
портал

Акафист и молитва иконе Божией матери «Млекопитательница»

Это одна из самых умиляющих церковных картин, которая показывает сокровенные отношения между матерью и ребенком. В народе её чрезвычайно любят и восхваляют. Молитва иконе Богородицы «Млекопитательница» благословляет на то, чтобы здоровье кормящей матери и её малыша было в норме. К ней также обращаются и беременные женщины, инстинктивно желающие новорожденному счастья и хорошего самочувствия.

В чем помогает прошение

Акафист Божией Матери «Млекопитательница» искренне восхваляет могущество Пречистой Девы, которая непорочным образом родила Спасителя. В его тексте находятся слова радости от такого знаменательного происшествия. Завершаясь, церковное восхваление переходит в истинное прошение об избавлении от грехов и болезней.

Икона Божией матери «Млекопитательница»

Рождение ребенка — всегда колоссальное испытание для женщины. На её плечи возлагается тяжелая ноша кормления и воспитания. К Богородице-заступнице обращаются, чтобы облегчить этот период. Никакая другая икона не рассматривает сокровенный процесс кормления Девы Марии и Младенца Иисуса. Матерь дает самое ценное для своего чада — молоко, в котором заключены все необходимые элементы для полноценной жизни.

Эта святыня требует к себе искреннего уважения и чистых помыслов. Перед началом прошения следует прогнать ненужные идеи и сконцентрироваться на самом главном.
  • Акафист Божией Матери «Млекопитательница» способен исцелить больных новорожденных и дать им силы для самостоятельного существования.
  • Молитвы перед этим образом помогают при заболеваниях молочной железы и различных гинекологических проблемах. Пречистая Дева, кормящая грудью, способна облегчить тяжелые роды.
  • Обращаясь к иконе Пресвятой Богородице «Млекопитательница», матери и их дети обретают сильнейшее покровительство и защиту небесных сил.
  • Молитва и акафист помогают восстановить стабильное отношение в семейном кругу.

Историческая справка

Иконография святыни относится к византийской школе. Появление божественного лика связывают с именем Саввы Освященного, Лавра которого являлась первоначальным домом «Млекопитательницы». Перед кончиной основатель предсказал появление в этом монастыре паломника из Сербии. Освященный наказал передать икону ему в благословение. Савва Сербский привез «Млекопитательницу» из иерусалимских предместий на Гору Афон в XIII столетии, спустя 6 веков. С того времени и по сей день можно видеть явные чудеса и помощь Божьей Матери по молитвам перед образом.

  • Чудотворные списки этой святыни можно увидеть в Москве, Одессе, некоторых греческих городах, а также в Иерусалиме. В Россию копии попали посредством усилий Гавриилы Афонского.
  • В середине XVII века в нескольких верстах от Минска была обретена еще одна святыня, изображающая кормление Младенца. Она располагалась на высоком дереве и производила невероятное сияние. На этом месте соорудили Храм Успения Богородицы.
  • В Риме нашлись настенные изображения, относящиеся ко II веку. Это говорит о древности божественной святыни.
  • На Западе очень популярны мозаики с подобным сюжетом. Самым знаменитым экземпляром является картина Леонардо да Винчи «Мадонна, кормящая Иисуса».
  • В XII веке существовал своеобразный культ молока Божией Матери. Паломники стекались в вифлеемскую пещеру, где Христос родился и был вскормлен. Сегодня здесь стоит католическая церковь.

    Богородица Млекопитательница

Значение акафиста

Акафист и молитва иконе Божией матери «Млекопитательница» предназначены для того, чтобы облегчить период родов и кормления грудью.

Святыня является великой древностью, пришедшей для возвеличивания отношения между Богородицей и Младенцем Христом. Она пользуется огромной популярностью, в её честь построено большое количество божественных храмов.

Акафист «Млекопитательнице»

Кондак 1

Избранней от дщерей человеческих Материю быти Христа Бога нашего принесем от любве нашея песни хвалебныя; Ты же, Сына Божия неизреченно родившая и, яко Младенца млеком питавшая, сохрани нас, поющих Тя, от обышедших ны зол, скорбей и напастей, да зовем Ти немолчно:

Радуйся, Богородице Дево Млекопитательнице, милостию Твоею нас присно питающая.

Икос 1

Ангелов лицы, в вертеп приникше и узревше тамо Деву чистую, Сына млеком питающую, возопиша Тебе, Благословенней:

Радуйся, рождшая мира Творца; радуйся, питающая Питателя вселенной.

Радуйся, пеленами повивающая Повивающаго небо облаки; радуйся, дланьми носящая на херувимех Носимаго.

Радуйся, яко Детищ мал Тобою родися; радуйся, яко Младенец платущ и мирови радость даяй Тобою в мир прииде.

Радуйся, Богородице Дево Млекопитательнице, милостию Твоею нас присно питающая.

Кондак 2

Видящи Святая Дева при персех Своих Богомладенца лежаща, глагола Ему: како возмогу Тя питати, Творца Моего, Емуже вся воинства небесная вопиют: Аллилуиа.

Икос 2

Разумная вся тварь недоразумевает, како Дева пребываеши и Младенца млеком питаеши. Обаче, неизреченному таинству сему верующе, благоговейно взываем:

Радуйся, Дево неблазная; радуйся, Девице прекрасная.

Радуйся, жен украшение; радуйся, Мати чистая.

Радуйся, дев правило; радуйся Благословенная в женах.

Радуйся, Богородице Дево Млекопитательнице, милостию Твоею нас присно питающая.

Кондак 3

Сила Вышняго осени Тя, Богородице Дево, и подаде Ти крепость повити и питати, Егоже вси концы земли величают и поют Ему песнь великую: Аллилуиа.

Икос 3

Имея дерзновение велие к Рожденному от Тебе, призри на скорби и беды, нас обышедшия, умоли Питаемаго Тобою за ны грешныя и недостойныя, да, избавльшеся от лютых напастей, возглаголем Ти тако:

Радуйся, рождшая сладчайшее Утешение наше; радуйся, произрастившая Благославеннаго благодатию.

Радуйся, Мати наша Всеблагая; радуйся, чадами Твоими нас нарекшая.

Радуйся, благонадежное наше прибежище; радуйся верных небурное пристанище.

Радуйся, Богородице Дево Млекопитательнице, милостию Твоею нас присно питающая.

Кондак 4

Буря скорбей и напастей обдержит ны, трепещем, да не потонем в мори житейстем, но явися нам, яко голубица Ноева, ветвь надежды подающи нам, вопиющим Богу: Аллилуиа.

Икос 4

Слышащи жена благоразумная глаголы живота вечнаго, Сыном Твоим вещаемыя, прослави Тя, вопиющи Ему: «Благословенно чрево, носившее Тя, и сосца, яже еси ссал», темже приими и наша немощныя похвалы сицевая:

Радуйся, бисере драгий, всечудная Мати; радуйся, велия в женах.

Радуйся, ветве присноцветущая; радуйся, животе, приемляй Сокровище освящения.

Радуйся, чаше златая, Христа, небесную Манну носящая; радуйся, Хлебом Жизни нас возраждающая.

Радуйся, Богородице Дево Млекопитательнице, милостию Твоею нас присно питающая.

Кондак 5

Богоноснеи руце Твои, Всепетая, простри к нам немощным, воздвигни нас унылых, спаси отчаянных, да в радости душевней, ничимже смущаемей, вопием Сыну Твоему: Аллилуиа.

Икос 5

Видев Тя в Дусе богоглаголивый Исаия, яко имаши, Дева сущи, во чреве прияти Рожденнаго из Тебе, возгласи Ти:

Радуйся, Предвечнаго рождшая; радуйся, яко Тобою с нами Бог бывает.

Радуйся, пророчеств сбытие; радуйся, пророков веселие.

Радуйся, всего мира чаяние; радуйся, рода нашего утешение.

Радуйся, Богородице Дево Млекопитательнице, милостию Твоею нас присно питающая.

Кондак 6

Проповедницы присноглаголемии Твоего милосердия суть чудеса многообразная, источаемая от иконы Твоея святыя, яже обильно нам даровала еси, да, покланяющеся Тебе и Богомладенцу Христу, вопием гласы хвалебными: Аллилуиа.

Икос 6

Возсия во обители Саввы Освященнаго, яко солнце светозарное, всечестная икона Твоя, Млекопитательница именуемая, пред неюже преподобный со иноки выну прославляху Тя, вопиюще:

Радуйся, обители нашея пречудное украшение; радуйся, от врагов видимых и невидимых твердое заступление и защищение.

Радуйся, молениям нашим присно внемлющая; радуйся, прошения наша благоутробно приемлющая.

Радуйся, горестная воздыхания наша утишающая; радуйся, слезы наша отирающая.

Радуйся, Богородице Дево Млекопитательнице, милостию Твоею нас присно питающая.

Кондак 7

Хотя преподобный Савва отъити в жизнь вечную, пророчески рече, яко по мнозех днех приидет во обитель сию царев сын, ему тезоименитый, сей приимет святую икону Владычицы во благословение и воспоет радуяся: Аллилуиа.

Икос 7

Новый угодник Савва, святитель Сербския земли, прииде во обитель древнюю и прият по словеси его святую икону и принесе ю на Гору Афонскую во обитель Хиландарскую, и вси насельницы ея радостно взываху ко Владычице мира:

Радуйся, присно о нас грешных промышляющая; радуйся, николиже нас грешных забывающая.

Радуйся, милость Твою тысящекратно во святых чудотворных иконах Твоих обновляющая; радуйся, новая знамения щедрот Твоих ныне изливающая.

Радуйся, любящих и чтущих Тя зело возлюбившая; радуйся, молящих Ти ся николиже посрамляющая.

Радуйся, Богородице Дево Млекопитательнице, милостию Твоею нас присно питающая.

Кондак 8

Странное чудо и недоразумеваемое есть неверным и суемудренным, како от иконы Твоея чудеса истекают, мы же, многократными милостьми в сем утвержденнии, пети Господу Богу, даровавшему таковую Помощницу роду христианскому, дерзаем: Аллилуиа.

Икос 8

Весь мир видимый и невидимый блажит Тя, Богородице Дево, яко усердную Заступницу нашу, присно помогающую нам, в море бед и скорбей погибающим, да Тебе, единей нашей Надежде, вопием:

Радуйся, Сына Твоего за нас грешных умоляющая; радуйся, в бедах и обстояниих скоро помогающая.

Радуйся, молений наших скорое услышание; радуйся, горестей жития нашего верное услаждение.

Радуйся, веру нашу укрепляющая; радуйся, крест жизни нашея понести нам помогающая.

Радуйся, Богородице Дево Млекопитательнице, милостию Твоею нас присно питающая.

Кондак 9

Всяко ублажая Тя, Всеблагая, Иоанн Дамаскин рече, яко удобее молчание, неже пети Тя, но любовию понуждаемии, восхваляем Тя и поем Сыну Твоему песнь великую: Аллилуиа.

Икос 9

Витийствовати не хощем, но с любовию и слезами притекаем к Тебе, яко Матери чадолюбивей, и из глубины сердца вопием:

Радуйся, Радосте наша неизреченная; радуйся, Утешение наше несказанное.

Радуйся, домов наших ограждение; радуйся, чад наших покрове.

Радуйся, младенцев воспитание; радуйся, юных от путей гибельных охранение.

Радуйся, Богородице Дево Млекопитательнице, милостию Твоею нас присно питающая.

Кондак 10

Спасти всех нас и хошещи и можещи, Пресвятая Дево, аще прибегаем ко всечестному покрову Твоиму, сего ради молим Тя: избави нас от горьких бед и скорбей, нашедших на ны, привлецы сердца наша к благостному прибежищу и научи вопити Богу, из Тебе рождшемуся: Аллилуиа.

Икос 10

Стену нерушиму Тя нарицаем и вемы, яко истину глаголем, уведехом бо, яко зело любиши род христианский, милости и щедроты Твоя присно источаеши вопиющим Тебе:

Радуйся, от сетей вражиих нас охраняющая, радуйся от навета злых человек нас спасающая.

Радуйся, вражду сродник наших на любовь пременяющая; радуйся, мир и тишину в домах наших сохраняющая.

Радуйся, намерениям благим вспомоществующая; радуйся, советы благия на сердце полагающая.

Радуйся, Богородице Дево Млекопитательнице, милостию Твоею нас присно питающая.

Кондак 11

Пение всякое принесоша Ти, Пренепорочная, пророцы, предзревше безсеменное зачатие и рождение от Тебе Сына Божия, пастырие же и волсви, видевше Тя рождшую и питающую, и вси людие Твои хвалят Тя. Веруем, яко до скончания века не умолкнет песнь хвалебная от рода христианскаго Рожденному Тобою: Аллилуиа.

Икос 11

Светило светозарное Ты еси, Пречистая, нам во тьме грехов и страстей погибающим, просвещающее наши темнеи очи, сердце озаряющее высшим разумом, поющее Тя:

Радуйся, Путь, Истину и Жизнь рождшая; радуйся, истинному Богу нас вручающая.

Радуйся, светом Евангелия наша мрачныя души озаряющая; радуйся, мудрость века сего ни во чтоже вменяющая.

Радуйся, мудрость превысочайшую, яже есть любовь, в сердцах наших насаждающая; радуйся, помоще всем и во всем.

Радуйся, Богородице Дево Млекопитательнице, милостию Твоею нас присно питающая.

Кондак 12

Благодать Божия явися чудно в земли Российстей от подобия иконы Твоея Млекопитательницы пренесенныя. Темже и Гора Афонская, и страна наша, ныне люте страждущая, обаче на милость Твою несуменно уповающая, вопиют милосердому Богу: Аллилуиа.

Икос 12

Поюще Тя, яко Спаса нашего родившую, и пеленами повившую, и млеком питавшую, уповаем, яко никоеже Твое прошение безответно от Него пребудет, понеже Сам Сладчайший Иисус обеща Ти тако; имуще в сем твердую надежду, восхваляем Тя, Отрадо и Утешение наше:

Радуйся, лютыя скорби в радость претворяющая; радуйся, ожесточение сердец наших любовию Твоею умягчающая.

Радуйся, любити Бога и ближняго нас научающая; радуйся, в скорбех наших упование на Бога возлагати наставляющая.

Радуйся, наша хладныя молитвы любовию Твоею согревающая; радуйся, молитвы нас грешных и недостойных, яко милостивая Матерь, приемлющая.

Радуйся, Богородице Дево Млекопитательнице, милостию Твоею нас присно питающая.

Кондак 13

О Всехвальная Богородице Дево, нашего Господа и Владыку млеком питавшая, не презри сего скорбнаго моления нашего, но умоли Сына Твоего, да дарует нам грехов прощение, болезней исцеление, да сохранит нас от глада, мраза, смертоносныя язвы, нечаянныя смерти и от всех бед и обстояний, да избавльшеся сих, радующеся зовем Ему: Аллилуиа.

Этот кондак читается трижды, затем 1-й икос «Ангелов лицы…» и 1-й кондак «Избранней от дщерей…».

Молитва иконе Божией матери «Млекопитательница»

Приими, Госпоже Богородительнице, слезная моления рабов Твоих, к Тебе притекающих. Зрим Тя на святей иконе, на руках носящую и млеком питающую Сына Твоего и Бога нашего, Господа Иисуса Христа. Аще и безболезненно родила еси Его, обаче матерния скорби веси и немощи сынов и дщерей человеческих зриши.

Темже тепле припадающе к цельбоносному образу Твоему и умиленно сей лобызающе, молим Тя, всемилостивая Владычице: нас, грешных, осужденных в болезнех родити и в печалех питати чада наша, милостивно пощади и сострадательно заступи, младенцы же наша, такожде и родившия их, от тяжкаго недуга и горькия скорби избави.

Даруй им здравие и благомощие, да и питаемии от силы в силу возрастати будут, и питающия их исполнятся радостию и утешением, яко да и ныне предстательством Твоим из уст младенец и ссущих Господь совершит хвалу Свою. О Мати Сына Божия! Умилосердися на Матери сынов человеческих и на немощныя люди Твоя: постигающия нас болезни скоро исцели, належащия на нас скорби и печали утоли, и не презри слез и воздыхании рабов Твоих.

Услыши нас в день скорби пред иконою Твоею припадающих, и в день радости и избавления приими благодарная хваления сердец наших. Вознеси мольбы наша к престолу Сына Твоего и Бога нашего, да милостив будет ко грехом и немощем нашим и пробавит милость Свою ведущим имя Его, яко да и мы, и чада наша, прославим Тя, милосердую Заступницу и верную надежду рода нашего, во веки веков. Аминь.

Молитва о вскармливании грудью младенцев Божией Матери пред Ее иконою «Млекопитательница»