Православный информационный портал
Православный
информационный
портал

Акафист и молитва иконе Божией матери «Остробрамская»

Среди множества православных святых ликов Остробрамский Богородичный образ имеет богатейшую историю. Лицезреть его можно в часовне Вильнюса над острыми воротами.

Здесь же постоянно из уст многочисленных паломников звучит молитва Остробрамской иконе Божьей Матери.

Немного истории

Святыня одинаково высоко почитается как православным людом, так и католической церковью. А свое название икона получила потому, что расположена она на воротах города Вильнюса (на Острой браме).

Основные версии происхождения чудотворной иконы таковы:

  • В 1431 году образ сам явился на крепостной ограде города Вильны. На иконе Богоматерь изображена в пышных юбках и богатых одеждах. Ее глава немного наклонена в сторону, а руки расположены крестообразно, что говорит о Ее великом смирении и постоянной молитве.
  • Правящие князья привезли икону из захваченного Крыма, из города Корсуня.
  • Византийский император Палеолог принес икону в дар князю Ольгерду, принявшему Таинство Святаго Крещения.

С 1655 до 1661 г.г. Вильня была оккупирована русскими войсками, в этот период горожане приняли решение о вывозе Лика из города. Но в пути праволславных горожан ограбили русские казаки. Они отобрали икону и увезли ее в неизвестном направлении.

Но в 1661 году, благодаря чудесному стечению обстоятельств, образ был возвращен в Вильню и через десятилетие от него было совершено первое чудо — по мольбам безутешных родителей Божия Матерь спасла ребенка.

После случившегося чудотворения к иконе потянулись вереницы паломников со всего мира со своими прошениями и благодарностью за оказанное предстательство пред Богом.

Интересно! Остробрамкая икона в Вильне пережила несколько пожаров. Примечательно, что все вокруг нее огонь выжигал до тла, но сам же образ, несмотря ни на что, оставался целым и невредимым.

Губернатор Вильны в 1795 году издал Указ, гласящий о том, что каждый мужчина, проходящий через острые врата под Остробрамкой иконой Богородицы, обязан снять головной убор, воднять взор свой вверх, наложить на себя Крестное знамение и вознести молитву Царице Небесной.

Во время реконструкции верхней части иконы, на окладе была обнаружена хвалебная песнь «Честнейшая Херувим».

Историки утверждают, что Остробрамская икона — это часть одного крупного изображения, а на его второй части изображен архангел Гавриил. Он увещевает Богородицу о том, что вскоре совершится непорочное зачатие и Она явит Миру Сына Божия.

По утверждению знатоков, именно эта часть и была подарена князем Ольгердом одному из знатных горожан того времени. Хотя достоверных доказательств этой версии не существует.

Молитвенное предстательство Царицы Небесной

Остробрамская Богородица помогает обратившимся к Ней:

  • уберечь жилище от вторжения в него колдунов и врагов;
  • способствует скорейшему зачатию чада в бездетной семье;
  • заботится о женщинах, у которых присутствует риск угрозы выкидыша;
  • сохраняет чувства супругов даже после самой яростной ссоры между ними;
  • защищает от сплетен и дурных наветов завистников;
  • излечивает от депрессии и всевозможных недугов, в том числе от психиатрических, онкологических;
  • помогает примириться с домочадцами:
  • направляет на путь истинный детей, особое внимание уделяет подросткам;
  • улучшает энергетику дома (квартиры);
  • приносит мощную поддержку и способствует удаче в любых начинанях;
  • помогает избежать преждевременной смерти;
  • снимает проклятья и порчи, освобождает род семьи от колдовских уз;
  • дарует радость, умиротворение и покой.
Важно! Рекомендуется размещать икону Матери Божией «Остробрамскую» над входом в жилище как защиту от проникновения в него зла.

Желательно лик разместить прямо напротив входной двери, чтобы таким образом благословлять входящих в дом.

Моление пред образом

Перед тем как начать молитвенный труд пред иконой Божией Матери «Остробрамская», необходимо посетить церковь, исповедоваться во грехах, принять Святое Причастие.

Желательно получить благословение священника на прочтение молитвы или акафиста, он же определит продолжительность молитвенного труда.

Обычно благословляется моление или чтение акафиста на протяжении 40 дней.

  • возносить молитву или читать акафист лучше всего в храме, но не возбраняется молитвенно трудиться дома;
  • мысли должны быть чистыми, а сердце — искренним и любящим;
  • женщинам совершать моление следует с покрытой головой, избегать слишком открытой одежды. Надевать платок нужно и в храме;
  • необходимо возжечь свечу или лампаду и в тишине совершить моление;
  • по его окончании перекреститься, произнести «Аминь (что означает смысл «печать»: правда! Да будет так!) и совершить поясной поклон.

В день празднования иконы (8 января по новому стилю) торжественное богослужение в церкви совершается по римско-католическому обряду.

Перед Великими вратами со святым образом католики и православные снимают головные уборы. Множество людей стоят с возженными свечами и возносят мольбы к Царице Небесной, прикладываются к Ее чудотворному Лику.

Остробрамская икона Богородицы, Польша

Акафист и молитвы перед иконой «Остробрамская»

Конда́к 1.

Возбра́нной Воево́де и преди́вной Засту́пнице ро́да христиа́нскаго, благоизво́лившей от святы́я Своея́ ико́ны излива́ти на́м струи́ благода́тных исцеле́ний, похва́льная воспису́ем Ти́ раби́ Твои́, Богоро́дице. Ты́ же, я́ко блага́я Засту́пница чту́щих Тя́, от вся́ких на́с бе́д свободи́, да зове́м Ти́:

Ра́дуйся, Влады́чице, ико́ною Твое́ю Остробра́мскою благода́ть и ми́лость на́м явля́ющая.

И́кос 1.

А́нгел с небесе́ по́слан бы́сть рещи́ Богоро́дице: Ра́дуйся! Мы́ же, земноро́днии, дивя́щеся воплоще́нию от Тебе́ Сы́на Твоего́ и Бо́га на́шего, дерза́ем воспева́ти Тебе́ си́це:

Ра́дуйся, благода́тная Богоро́дице Де́во; ра́дуйся, преблагослове́нная в жена́х.

Ра́дуйся, я́ко Спа́са родила́ еси́ ду́ш на́ших; ра́дуйся, я́ко Свободи́теля яви́ла еси́ на́м.

Ра́дуйся, небесе́ и земли́ Цари́це; ра́дуйся, я́ко превы́шши еси́ вся́каго созда́ния.

Ра́дуйся, а́нгелы на небеси́ чти́мая; ра́дуйся, челове́ки на земли́ прославля́емая.

Ра́дуйся, я́ко прише́дши ко Елисаве́те, Сама́ прорекла́ еси́: «Отны́не ублажа́т Мя́ вси́ ро́ди»; ра́дуйся, я́ко вои́стинну вси́ ро́ди до ны́не Тя́ непреста́нно ублажа́ют.

Ра́дуйся, ве́рно Тя́ велича́ющим по́мощь ско́рую да́рующая; ра́дуйся, чудотво́рными Свои́ми ико́нами, я́ко со́лнцем, светя́щая.

Ра́дуйся, Влады́чице, ико́ною Твое́ю Остробра́мскою благода́ть и ми́лость на́м явля́ющая.

Конда́к 2.

Ви́дящи, всеблага́я Влады́чице, с высоты́ свята́го жили́ща Своего́ ско́рбь и тесноту́ жития́ в держа́ве на́шей, восхоте́ла еси́ яви́ти зде́ сла́ву Твою́, чудотво́рным о́бразом Твои́м подаю́щи скорбя́щим утеше́ние, боля́щим исцеле́ние, бе́дствующим по́мощь, да ви́дяще такову́ю ми́лость Твою́ к на́м, благода́рными усты́ воспева́ем вси́ Бо́гу: Аллилу́ия.

И́кос 2.

Ра́зум богопросвеще́н иму́ще, святи́и пра́отцы и проро́цы в о́бразех, виде́ниих и со́ниих чу́дное Рождество́ Твое́ и та́йну Присноде́вства Твоего́ изобрази́ша. Апо́столи же Христо́ви, проразуме́вше ду́хом, ко́ль вожделе́нно бу́дет для ве́рующих изображе́ние святе́йшего ли́ка Пречи́стыя Де́вы Богома́тере, избра́ша из среды́ себе́ боже́ственнаго Луку́, я́ко живопи́сца преди́вна. И то́й, испроси́в Ма́тернее от Тебе́ благослове́ние, подкрепля́емый посто́м и моли́твою, написа́ пе́рвую ико́ну Твою́, Влады́чице, к не́йже Сама́ рекла́ еси́: с о́бразом си́м бу́дут благода́ть Моя́ и си́ла. Сего́ ра́ди со умиле́нием и любо́вию воспева́ем Тебе́:

Ра́дуйся, Ле́ствице высо́кая, Иа́ковом дре́вле ви́денная; ра́дуйся, зе́млю с Не́бом совоку́пльшая;

Ра́дуйся, Бо́га, на земле́ я́вльшагося, во чре́ве Твое́м поне́сшая; ра́дуйся, я́ко Неопали́мая Купина́ нетле́нною пребы́вшая.

Ра́дуйся, светоно́сный О́блаче, из него́же все́х Влады́ка, я́ко до́ждь на руно́, на зе́млю сни́де; ра́дуйся, чу́дный Же́зле, цвета́ми доброде́телей ве́рных украша́ющая.

Ра́дуйся, Живоно́сный Исто́чниче; ра́дуйся, а́лчущим и жа́ждущим ве́чныя пра́вды Насыще́ние ро́ждшая.

Ра́дуйся, Христа́, ма́нну жи́зни, во чре́во Свое́ вмести́вшая; ра́дуйся, ду́ши на́ша хле́бом безсме́ртия насыща́ющая.

Ра́дуйся, я́ко моля́щиеся Тебе́ от вся́каго зла́ сохраня́ются; ра́дуйся, я́ко Твоя́ честны́я ико́ны чудеса́ми прославля́ются.

Ра́дуйся, Влады́чице, ико́ною Твое́ю Остробра́мскою благода́ть и ми́лость на́м явля́ющая.

Конда́к 3.

Си́ла Вы́шняго осеня́ет вся́каго челове́ка, с ве́рою притека́ющаго к Твое́й цельбоно́сней ико́не, ю́же дарова́ла еси́ лю́дем на утеше́ние. Сего́ ра́ди и мы́, со умиле́нием взира́юще на святы́й Тво́й о́браз, я́ко живе́й Ти́ су́щей с на́ми, из глубины́ се́рдца вопие́м: осени́ и на́с си́рых и безпомо́щных, да воспое́м прославля́ющему Тя́ Го́споду: Аллилу́ия.

И́кос 3.

Имы́й благо́е попече́ние о лю́дех благосе́рдый Госпо́дь, попусти́ ико́не Твое́й святе́й оста́вити на вре́мя не́кое хра́м Правосла́вныя Це́ркве, егда́ мона́си лати́нстии, взе́мше о́браз Тво́й святы́й, поста́виша его́ во хра́ме свое́м. Ты́ же и та́мо яви́ла еси́ то́ки благода́тных чуде́с Твои́х, да позна́ют вси́ христиа́не, ко́ль си́льна е́сть по́мощь Богома́тере, и да с ра́достию воспева́ют Ти́ си́це:

Ра́дуйся, все́х христиа́н помо́щнице; ра́дуйся, Правосла́вныя Це́ркве сла́во и утеше́ние.

Ра́дуйся, я́ко отрокови́цею вошла́ еси́ в хра́м Госпо́день; ра́дуйся, я́ко во хра́ме воспита́лася еси́.

Ра́дуйся, святы́х хра́мов пе́рвейшее украше́ние; ра́дуйся, я́ко и Сама́ соде́лалася еси́ хра́мом Сы́на Бо́жия.

Ра́дуйся, в четыредеся́тый де́нь о́трока Иису́са в хра́м Бо́жий прине́сшая; ра́дуйся, я́ко сбы́ся предрече́нное Тебе́ во хра́ме Симео́ном Богоприи́мцем.

Ра́дуйся, лю́бящая все́х чту́щих хра́мы Бо́жия; ра́дуйся, святы́х хра́мов тве́рдое огражде́ние.

Ра́дуйся, я́ко во Хра́ме Небе́снем ве́чно ца́рствуеши; ра́дуйся, я́ко вся́ ве́рныя в хра́м се́й ввести́ тщи́шися.

Ра́дуйся, Влады́чице, ико́ною Твое́ю Остробра́мскою благода́ть и ми́лость на́м явля́ющая.

Конда́к 4.

Бу́рю земна́го ско́рбнаго жития́ на́шего в не́мощех и боле́знех ви́дящи, Премилосе́рдная Ма́ти Бо́жия благоизво́ли бы́ти чу́ду явле́ния о́браза своего́ во гра́де Ки́еве, те́мже мы́ с ра́достию неизрече́нною припа́даем к Тебе́, Влады́чице, и из глубины́ души́ благодари́м Тя́, ди́вную Засту́пницу, воспева́юще Бо́гу: Аллилу́иа.

И́кос 4.

Слы́шавше бли́жнии и да́льнии о ди́вном чудеси́ святы́я ико́ны Твоея́, Пречи́стая Влады́чице, со усе́рдием мно́гим притека́ху к цельбоно́сному Твоему́ о́бразу, прие́мля от него́ да́ры неисче́тных Твои́х благодея́ний. Те́мже и мы́, а́ще и недосто́йни су́ще, со благогове́нием и ра́достию покланя́емся Тебе́ пред си́м чу́дным о́бразом и достодо́лжно Тя́ пе́сньми ублажа́ем:

Ра́дуйся, обе́т де́вства Го́сподеви да́вшая; ра́дуйся, до конца́ то́й соблю́дшая.

Ра́дуйся, де́вство и рождество́ сочета́вшая; ра́дуйся, я́ко по рождестве́ пребыла́ еси́ Де́ва непоро́чная.

Ра́дуйся, до́брыя обе́ты прие́млющая; ра́дуйся, не соблюда́ющих обе́ты наказу́ющая.

Ра́дуйся, покрови́тельнице притека́ющих к Тебе́ по обе́ту пало́мников; ра́дуйся, ми́лости да́рующая Тебе́ моля́щимся.

Ра́дуйся, благи́м наме́рением спосо́бствующая; ра́дуйся, зла́я начина́ния разруша́ющая.

Ра́дуйся, во дни́ земна́го стра́нствия на́шего до́брая Путеводи́тельнице; ра́дуйся, к ти́хому приста́нищу на́с приводя́щая.

Ра́дуйся, Влады́чице, ико́ною Твое́ю Остробра́мскою благода́ть и ми́лость на́м явля́ющая.

Конда́к 5.

Я́ко лучеза́рная звезда́ возсия́ в стране́ на́шей свята́я Твоя́ чудотво́рная ико́на, Богоро́дице Де́во. Мы́ же, озаря́емии сия́нием пресве́тлых чуде́с Твои́х, преклоня́юще коле́на се́рдца, вопие́м Пода́телю чуде́с Бо́гу: Аллилу́ия.

И́кос 5.

Ви́дящи, я́ко тще́тна е́сть по́мощь враче́в земны́х, уврачева́ти боля́щаго сы́на не могу́щих, боголюби́вая ма́ти его́ нача́т возноси́ти усе́рдныя моли́твы ко Врачу́ небе́сному. Вразумле́ние получи́в призва́ти в по́мощь Тя́, Богоро́дице, поспеши́ в хра́м Тво́й, ко свято́му о́бразу Твоему́ и, соверши́в пред ни́м усе́рдное моле́бное пе́ние, испроси́ чуде́снаго исцеле́ния сы́на. Сего́ ра́ди и мы́ немощни́и, наде́ющиися на Твою́ всеси́льную по́мощь, дерза́ем воспева́ти Ти́:

Ра́дуйся, немощны́м здра́вие да́рующая; ра́дуйся, вся́кия боле́зни исцеля́ющая.

Ра́дуйся, оста́вленных врача́ми под Сво́й покро́в прие́млющая; ра́дуйся, исцеле́ние и́м подаю́щая.

Ра́дуйся, о́гнь лю́тыя боле́зни утоля́ющая; ра́дуйся, от одра́ сме́ртнаго возставля́ющая.

Ра́дуйся, безнаде́жным наде́яние; ра́дуйся, упова́ние на́ше непосты́дное.

Ра́дуйся, не́мощи душе́вныя врачу́ющая; ра́дуйся, гре́шников на пу́ть пра́вый наставля́ющая.

Ра́дуйся, грехо́вную отъе́млющая скве́рну; ра́дуйся, ба́не, омыва́ющая со́весть.

Ра́дуйся, Влады́чице, ико́ною Твое́ю Остробра́мскою благода́ть и ми́лость на́м явля́ющая.

Конда́к 6.

Предстоя́ще пред Твои́м о́бразом, архиере́ев сосло́вие, свяще́нницы, мона́си и вси́ лю́дие пропове́дуют неисче́тная Твоя́ благодея́ния, я́же оби́льно излива́еши от святы́я Твоея́ ико́ны. Сего́ ра́ди и мы́, гре́шнии, предстоя́ще ны́не пред чудотво́рным Твои́м о́бразом, ве́руем и упова́ем, я́ко испро́сиши вся́ блага́я и поле́зная на́м у Сы́на Твоего́ и Бо́га на́шего, Ему́ же дерзнове́нно вопие́м: Аллилу́ия.

И́кос 6.

Возсия́ благода́ть от святы́я Твоея́ ико́ны, ю́же иногда́ я́ве узре́ша разбо́йницы; ти́и же че́стно испове́давше грехи́ своя́ вся́ и изба́вльшеся Тобо́ю от ве́рныя сме́рти духо́вныя, научи́ша ны́ воспева́ти Ти́ похвалы́ сия́:

Ра́дуйся, от напра́сныя сме́рти спаса́ющая; ра́дуйся, от греха́ сме́ртнаго избавля́ющая.

Ра́дуйся, Нача́льника живота́ и сме́рти ро́ждшая; ра́дуйся, Ма́ти Живота́, сме́рть умертви́вшаго.

Ра́дуйся, я́ко в ча́с сме́рти Своея́ ти́хо возлегла́ еси́ на одре́ Свое́м; ра́дуйся, я́ко Сы́н Тво́й и Бо́г на́ш кро́тко ду́шу Твою́ от те́ла отдели́.

Ра́дуйся, я́ко с те́лом взята́ была́ еси́ на не́бо; ра́дуйся, я́ко и по сме́рти жи́ва еси́.

Ра́дуйся, непосты́дную кончи́ну на́м да́рующая; ра́дуйся, в ча́с кончи́ны на́шея на́с заступа́ющая.

Ра́дуйся, и по сме́рти на́с не оставля́ющая; ра́дуйся, от возду́шных мыта́рств спаса́ющая.

Ра́дуйся, Влады́чице, ико́ною Твое́ю Остробра́мскою благода́ть и ми́лость на́м явля́ющая.

Конда́к 7.

Хотя́й яви́ти ве́лию любо́вь Свою́ к лю́дям, Человеколю́бец Госпо́дь Тебе́, Ма́терь Свою́ Пренепоро́чную, покро́в и защи́ту ро́ду христиа́нскому дарова́, да бу́деши печа́льным утеше́ние, скорбя́щим ра́дование, отча́янным наде́яние, ве́чныя му́ки Свои́м хода́тайством избавля́ющи и к небе́сному весе́лию все́х приводя́щи, вопию́щих непреста́нно гла́сом хвале́ния Сы́ну Твоему́ и Бо́гу на́шему: Аллилу́иа.

И́кос 7.

Но́вое чу́до дарова́ла еси́, Де́во Богоро́дице, от боголе́пныя ико́ны Своея́, егда́ возвраща́ла ча́да похи́щенныя роди́телем и́х, усе́рдно к ли́ку Твоему́ свято́му с моли́твою притека́ющим. Мы́ же, с любо́вию прославля́юще Тя́, Помо́щницу на́шу Всеизря́дную, немо́лчными гла́сы вопие́м:

Ра́дуйся, Свои́м прише́ствием на́с обогаща́ющая; ра́дуйся, все́х прибега́ющих под кро́в Тво́й прие́млющая.

Ра́дуйся, ра́ны грехо́вныя благоутро́бно врачу́ющая; ра́дуйся, пра́ведный гне́в Бо́жий на на́с, гре́шных, Твои́м моле́нием ско́ро утоля́ющая.

Ра́дуйся, терпели́вых страда́льцев дара́ми благода́тными ущедря́ющая; ра́дуйся, к покая́нию на́с призыва́ющая.

Ра́дуйся, гре́шников моле́ний не отверга́ющая; ра́дуйся, жела́ния богоуго́дная исполня́ющая.

Ра́дуйся, ра́дость ско́рую подаю́щая; ра́дуйся, на смире́нныя призира́ющая.

Ра́дуйся, враго́в на́ших ви́димых и неви́димых побежда́ющая; ра́дуйся, лю́бящия и чту́щия Тя́ от вся́ких бе́д избавля́ющая.

Ра́дуйся, Влады́чице, ико́ною Твое́ю Остробра́мскою благода́ть и ми́лость на́м явля́ющая.

Конда́к 8.

Стра́нно и сумни́тельно неве́рующим слы́шати, ка́ко от святы́я Твоея́ ико́ны чудеса́ источа́ются, одебеле́ бо се́рдце люде́й си́х, я́ко ви́дяще не ви́дят и слы́шаще не слы́шат и не обратя́тся к Тебе́, да исцели́ши и́х. Мы́ же, усе́рдно почита́юще чудотво́рный о́браз Тво́й, прекло́ньше коле́на, уми́льно лобыза́ем его́, вопию́ще Бо́гу: Аллилу́ия.

И́кос 8.

Ве́сь ми́р преиспо́лнен, я́ко звезда́ми Богосве́тлыми, чудотво́рными ико́нами Твои́ми, Богоро́дице Де́во, в ни́хже я́ко Со́лнце лучеза́рное, име́ющее луну́ подно́жием и зве́зд си́х зна́мениями окруже́нная, ико́на Твоя́ Остробра́мская преди́вными чудесы́ благода́тно сия́ет и согрева́ет хла́дныя сердца́ на́ша зна́меньми Твоего́ о на́с ми́лостиваго попече́ния. Сего́ ра́ди честву́ем Пречи́стаго Ли́ка Твоего́ свято́е изображе́ние и Тебе́ пред ни́м вопие́м:

Ра́дуйся, благочести́вых и́ноков и и́нокинь блага́я покрови́тельнице; ра́дуйся, иере́ев благогове́йных похвало́.

Ра́дуйся, во дни́ ско́рбнаго жития́ на́шего на земли́ ско́рая помо́щнице; ра́дуйся, во все́х беда́х и напа́стех всемо́щная защи́тнице.

Ра́дуйся, а́лчущих корми́тельнице; ра́дуйся, жа́ждущим жи́зни питие́ неисчерпа́емое.

Ра́дуйся, сиро́т незри́мая воспита́тельнице; ра́дуйся, вдо́в заступле́ние.

Ра́дуйся, ле́ствице небе́сная, е́юже Бо́г к на́м сни́де; ра́дуйся, мо́сте, преводя́й су́щих от земли́ на не́бо.

Ра́дуйся, ключу́ ца́рствия Христо́ва; ра́дуйся, две́ри ра́йския на́м отверза́ющая.

Ра́дуйся, Влады́чице, ико́ною Твое́ю Остробра́мскою благода́ть и ми́лость на́м явля́ющая.

Конда́к 9.

Вся́каго естества́ а́нгельскаго превы́шши еси́, Богоро́дице Де́во, честне́йшая Херуви́м, и сла́внейшая без сравне́ния Серафи́м, предстоя́щи бо Сы́ну Твоему́ на Небеси́, вы́ну мо́лишися Ему́ за ро́д христиа́нский, сего́ ра́ди и начерта́ние се́й пе́сни а́нгельской на ико́не Свое́й и́маши. Не преста́ни моли́тися и о на́с, недосто́йных, у престо́ла Вседержи́теля, да с ра́достию вопие́м Го́сподеви: Аллилу́ия.

И́кос 9.

Вети́и многовеща́ннии не возмо́гут по достоя́нию восхвали́ти преди́вная чудеса́, от святы́я Твоея́ ико́ны явля́емая, изумева́ет же у́м вся́к пе́ти Тя́, Богоро́дице. Ты́ же, я́ко блага́я су́щи, приими́ от на́с похвалы́ сия́:

Ра́дуйся, за христиа́н Сы́ну Твоему́ усе́рдно моля́щаяся; ра́дуйся, страну́ на́шу святы́м Твои́м омофо́ром покрыва́ющая.

Ра́дуйся, у́м на́ш к Бо́гу приводя́щая; ра́дуйся, злы́я на́ша по́мыслы искореня́ющая.

Ра́дуйся, се́рдце на́ше любо́вию к Бо́гу воспламеня́ющая; ра́дуйся, хоте́ние на́ше ко бла́гу наставля́ющая.

Ра́дуйся, гне́в Бо́жий, пра́ведно на ны́ дви́жимый, ско́ро утоля́ющая; ра́дуйся, ко́зни духо́в зло́бы разруша́ющая.

Ра́дуйся, от и́х нападе́ния на́с охраня́ющая; ра́дуйся, во искуше́ниих пло́ти и ду́ха кре́пкая помо́щнице.

Ра́дуйся, па́дших ско́рое воста́ние; ра́дуйся, к Бо́гу на́ше дерзнове́ние.

Ра́дуйся, Влады́чице, ико́ною Твое́ю Остробра́мскою благода́ть и ми́лость на́м явля́ющая.

Конда́к 10.

Спасе́ния и́щуще, к Тебе́ прибега́ем, Милосе́рдная Ма́ти, и ико́ну Твою́ святу́ю ны́не обстоя́ще, со благогове́нием и ве́рою честву́ем, и́бо все́м покланя́ющимся Тебе́ ско́рое вспоможе́ние подае́ши, и во ины́х граде́х и ве́сех чту́щих Тя́ поле́зное проше́ние исполня́еши. Те́мже, воспомина́я неисче́тная чудотворе́ния Твоя́, вопие́м Всемогу́щему Бо́гу: Аллилу́иа.

И́кос 10.

Стена́ еси́ Ты́, огражда́ющая на́с от вся́ких боле́зней, все́м с ве́рою призыва́ющим Тя́ в по́мощь, Пресвята́я Де́во Богоро́дице. Ты́ бо, Ма́ти, младе́нцу, зело́ стра́ждущему, исцеле́ние дарова́ла еси́. Сего́ ра́ди, прославля́юще Твое́ Ма́тернее милосе́рдие, благода́рственными усты́ вопие́м Ти́ вси́ из глубины́ души́:

Ра́дуйся, я́ко по моли́тве пред ико́ною Твое́ю боле́зни лю́тыя прекраща́ются; ра́дуйся, все́м во вся́кой потре́бе вся́ поле́зная и блага́я подава́ющая.

Ра́дуйся, никого́же отрева́ющая; ра́дуйся, призыва́ющих Тя́ заступа́ющая.

Ра́дуйся, в семе́йствах ми́р и дружелю́бие устроя́ющая; ра́дуйся, ма́терей детородя́щих ско́ро и безболе́зненно от бре́мени разреша́ющая.

Ра́дуйся, ча́д и́х благода́тно охраня́ющая; ра́дуйся, ско́рбным вдови́цам и си́рым помога́ющая.

Ра́дуйся, в бра́ни на́шей со духа́ми зло́бы на́м помога́ющая; ра́дуйся, от наве́тов вра́жиих на́с спаса́ющая.

Ра́дуйся, от клеветы́ и досажде́ния охраня́ющая; ра́дуйся, блага́я Домострои́тельнице, житие́ на́ше до́бре устроя́ющая.

Ра́дуйся, Влады́чице, ико́ною Твое́ю Остробра́мскою благода́ть и ми́лость на́м явля́ющая.

Конда́к 11.

Пе́ние на́ше, а́ще бы́ло бы и тмочи́сленное, не довле́ет к досто́йному прославле́нию ми́лостей Твои́х, Всехва́льная Влады́чице, я́же непреста́нно излива́еши ро́ду челове́ческому. Мольбу́ безча́дных супру́гов, прише́дших к чудотво́рней ико́не Твое́й, не оста́вила тще́тною, но дарова́ла еси́ и́м ми́лость деторожде́ния. Те́м же, да не неблагода́рни яви́мся пред Тобо́ю, по си́ле на́шей похва́льная воспису́ем Ти́ с любо́вию, вопия́ Бо́гу: Аллилу́иа.

И́кос 11.

Я́ко светоприе́мную свещу́ зри́м Твою́ честну́ю ико́ну, Пречи́стая и Преблагослове́нная Де́во Богоро́дице, невеще́ственный в душа́х на́ших возжига́юще о́гнь любви́ к Тебе́, Всеблага́я. Ты́ же приими́ ве́ру и усе́рдие на́ше, напра́ви на стези́ и́стины пу́ть на́ш, умоли́ Го́спода и Сы́на Твоего́, да спасе́т на́с, и́миже ве́сть судьба́ми, да не поги́бнем в нераска́янии о гресе́х на́ших, и услы́ши моле́ние к Тебе́ взыва́ющих:

Ра́дуйся, чрез ико́ну Твою́ на́м благоде́ющая; ра́дуйся, Ма́терния щедро́ты Твоя́ на на́с излива́ющая.

Ра́дуйся, грехо́вныя по́мыслы вла́стно отгоня́щая; ра́дуйся, малове́рных вразумля́ющая.

Ра́дуйся, неве́рных смы́слы просвеща́ющая; ра́дуйся, милосе́рдие Бо́жие разуме́ти на́м помога́ющая.

Ра́дуйся, стра́х Бо́жий в сердца́ ве́рных влага́ющая; ра́дуйся, о хра́мах Бо́жиих попече́ние иму́щих духо́вною ра́достию утеша́ющая.

Ра́дуйся, от сна́ ле́ности на́с возставля́ющая; ра́дуйся, све́том Богопозна́ния и благоче́стия омраче́нных озаря́ющая.

Ра́дуйся, бла́га земна́я, су́етныя и скоропреходя́щия, презира́ти на́с науча́ющая; ра́дуйся, к небе́сным и ве́чным сокро́вищам умы́ и сердца́ на́ша возводя́щая.

Ра́дуйся, Влады́чице, ико́ною Твое́ю Остробра́мскою благода́ть и ми́лость на́м явля́ющая.

Конда́к 12.

Благода́ть да́ти восхоте́в, дарова́ на́м Госпо́дь цельбоно́сную ико́ну Твою́, пред не́ю же вознося́ще усе́рдная моле́ния, возводи́м у́м сво́й к Первообра́зней — Тебе́, Богоро́дице, прося́щи дарова́ти на́м блага́я и поле́зная во вре́менней жи́зни се́й, и в бу́дущей жи́зни блаже́нство безконе́чное, да воспое́м со а́нгелы и все́ми святы́ми на небеси́: Аллилу́ия.

И́кос 12.

Пою́ще Твоя́ чудеса́, я́же оби́льно источа́еши на́м от святы́я Своея́ ико́ны, хва́лим Тя́, Пресвята́я Богоро́дице и, предстоя́ще пред пречи́стым Твои́м о́бразом со слеза́ми, умиле́нною душе́ю и сокруше́нным се́рдцем взыва́ем Ти́:

Ра́дуйся, Засту́пнице усе́рдная ро́да христиа́нскаго; ра́дуйся, Ма́ти Го́спода и на́ша Ма́ти и покрови́тельнице.

Ра́дуйся, источа́ющая все́м на́м неоску́дныя ми́лости; ра́дуйся, избавля́ющая от вся́ких бе́д и напа́стей благонра́вныя и богобоя́щияся рабы́ Своя́.

Ра́дуйся, теле́с на́ших здра́вие; ра́дуйся, ду́ш на́ших спасе́ние.

Ра́дуйся, я́ко за все́х мо́лиши Сы́на Твоего́ и Бо́га на́шего; ра́дуйся, я́ко все́м твори́ши спасти́ся.

Ра́дуйся, избавле́ние все́х зо́л; ра́дуйся, поле́зная все́м да́рующая.

Ра́дуйся, я́ко Тя́ еди́ну наде́жду и́мамы; ра́дуйся, я́ко Ты́ еси́ боже́ственный покро́в рабо́м Твои́м.

Ра́дуйся, Влады́чице, ико́ною Твое́ю Остробра́мскою благода́ть и ми́лость на́м явля́ющая.

Конда́к 13.

О, всепе́тая Ма́ти, ро́ждшая все́х святы́х святе́йшее Сло́во, ны́нешнее моле́бное прие́мши приноше́ние, и на ну́жды на́ша призира́ющи, пода́ждь на́м си́лу Твоея́ благода́ти, упра́ви на́с на пути́ спасе́ния и умоли́ ниспосла́ти на́м ми́лости ще́дрыя Сы́на Твоего́, Ему́ же хвалу́ ве́лию во умиле́нии возно́сим: Аллилу́иа.

Этот конда́к читается трижды, затем и́кос 1-й и конда́к 1-й.

Моли́тва

О, Пресвята́я Де́во, Ма́ти Го́спода вы́шних си́л, Небесе́ и земли́ Цари́це и гра́да на́шего Ки́ева всемо́щная Засту́пнице!

Приими́ хвале́бное пе́ние сие́ от на́с недосто́йных ра́б Твои́х, и вознеси́ моли́твы на́ша ко престо́лу Сы́на Твоего́ и Бо́га на́шего, да ми́лостив бу́дет на́м, гре́шным, и да проба́вит бла́гость Свою́ чту́щим Тя́ и с ве́рою и любо́вию покланя́ющимся чудотво́рному о́бразу Твоему́.

К кому́ бо возопии́м Влады́чице? К кому́ прибе́гнем в го́рестех на́ших, а́ще не к Тебе́, Цари́це Небе́сная? Кто́ пла́ч на́ш и воздыха́ния на́ша прии́мет, а́ще не Ты́, Пренепоро́чная, Наде́ждо христиа́н и прибе́жище на́м гре́шным? Кто́ па́че Тебе́ в напа́стех защити́т? Те́м же мо́лим Тя́ усе́рдно: покры́й Твои́м хода́тайством на́ша прегреше́ния, защити́ на́с от вра́г ви́димых и неви́димых, умягчи́ сердца́ злы́х челове́к, возстаю́щих на на́с.

О Ма́ти Го́спода на́шего Творца́! Ты́ еси́ ко́рень де́вства и неувяда́емый цве́т чистоты́. Приими́ недосто́йную моли́тву на́шу и соблюди́ на́с в чистоте́ душе́вней, сохрани́ на́с от наве́та злы́х челове́к и от внеза́пныя сме́рти, и да́руй на́м пре́жде конца́ покая́ние. Поми́луй на́с в дневны́х часе́х и у́тренних и вече́рних, и во вся́кое вре́мя сохрани́ на́с: стоя́щих, седя́щих соблюди́, и на вся́ком пути́ ходя́щих, и в нощны́х часе́х спя́щих снабди́, покры́й и заступи́. На вся́ком ме́сте и на вся́кое вре́мя бу́ди на́м, Ма́ти Преблага́я, стена́ необори́мая и заступле́ние кре́пкое. Ты́ храни́тельница жи́зни всея́ на́м яви́ся, Пречи́стая; Ты́ на́с изба́ви от бесо́в в ча́с сме́рти; Ты́ и по сме́рти упокое́ние обрести́ испроси́ у Сы́на Твоего́ и Бо́га на́шего.

Мы́ же, гре́шнии, со упова́нием моле́ния Тебе́ возно́сим и уми́льно вопие́м: ра́дуйся, Благода́тная; Ра́дуйся, Обра́дованная; ра́дуйся, Преблагослове́нная; Госпо́дь с Тобо́ю, с Тобо́ю с на́ми. К Тебе́ прибега́ем, я́ко к несомне́нней и ско́рой Засту́пнице на́шей, и Тебе́, я́ко всемогу́щей Помо́щнице, са́ми себе́ и дру́г дру́га и ве́сь живо́т на́ш по Христе́ Бо́зе предае́м, Ему́ же подоба́ет вся́кая сла́ва, че́сть и поклоне́ние со безнача́льным Его́ Отце́м, со Пресвяты́м и благи́м и животворя́щим Его́ Ду́хом, ны́не и при́сно, и во ве́ки веко́в. Ами́нь.

Моли́тва ина́я

О Всеми́лостивая Госпоже́, Цари́це Богоро́дице, от все́х родо́в избра́нная и все́ми ро́ды небе́сными ублажа́емая! Воззри́ ми́лостиво на предстоя́щия пред свято́ю ико́ною Твое́ю лю́ди сия́, усе́рдно моля́щияся Тебе́, и сотвори́ предста́тельством Твои́м и заступле́нием у Сы́на Твоего́ и Бо́га на́шего, да никто́ же оти́дет от ме́ста сего́ то́щ упова́ния своего́ и посра́млен в наде́жде свое́й, но да прии́мет ки́йждо от Тебе́ вся́ по благо́му изволе́нию се́рдца своего́, по ну́жде и потре́бе свое́й, во спасе́ние души́ и во здра́вие те́лу.

Наипа́че же осени́ и огради́ покро́вом Твои́м, Милосе́рдная Ма́ти, Це́рковь Твою́ Святу́ю, вы́шним Твои́м благослове́нием архиере́и на́ши правосла́вныя укрепи́, ми́ром огради́, и Святе́й Твое́й Це́ркви це́лых, здра́вых, честны́х, долгоде́нствующих пра́во пра́вящих сло́во Своея́ и́стины да́руй, от все́х же ви́димых и неви́димых вра́г, со все́ми правосла́вными христиа́ны, ми́лостиво изба́ви, и во правосла́вии и тве́рдей ве́ре до конца́ веко́в непосту́пно и неизме́нно сохрани́. Призира́й благосе́рдием, Всепе́тая, и призре́нием ми́лостиваго Твоего́ заступле́ния на всю́ страну́ на́шу, гра́ды на́ша и гра́д се́й [или́: хра́м се́й, или́: и духо́вный вертогра́д, зде́ су́щий], и на сия́ бога́тыя Твоя́ ми́лости неоску́дно излива́й. Ты́ бо еси́ всеси́льная Помо́щница и Засту́пница все́х на́с. Приклони́ся к моли́твам и все́х ра́б Твои́х, ко святе́й ико́не Твое́й зде́ притека́ющих, услы́ши воздыха́ния и гла́сы, и́миже раби́ Твои́ мо́лятся во святе́м ме́сте се́м.

А́ще же и инове́рный, и иноплеме́нник, зде́ преходя́, помо́лится, услы́ши, чадолюби́вая Госпоже́, и сего́ человеколю́бне и ми́лостивно соде́лай, я́же к по́мощи ему́ и ко спасе́нию. Ожесточе́нныя же и разсе́янныя се́рдцы свои́ми во страна́х на́ших на пу́ть и́стины наста́ви: отпа́дшия от благочести́выя ве́ры обрати́ и па́ки святе́й Правосла́вней Собо́рней и Апо́стольстей Це́ркви сопричти́. В доме́х люде́й Твои́х и во бра́тии святы́я оби́тели сея́ ми́р огради́ и соблюди́, в ю́ных бра́тство и смиренному́дрие утверди́, ста́рость поддержи́, о́троки наста́ви, в во́зрасте соверше́ннем су́щия умудри́, си́рыя и вдови́цы заступи́, утесне́нныя и в ско́рбех су́щия уте́ши и охрани́, младе́нцы воспита́й, боля́щия уврачу́й, плене́нныя свободи́, огражда́ющи ны́ при́сно от вся́каго зла́ бла́гостию Твое́ю, и уте́ши ми́лостивным Твои́м посеще́нием и вся́ благоде́ющия на́м. Да́руй же, Блага́я, земли́ плодоно́сие, возду́ху благорастворе́ние и вся́, я́же на по́льзу на́шу, да́ры благовре́менныя и благопотре́бныя, всемо́щным Твои́м предста́тельством пред Всесвято́ю Живонача́льною Тро́ицею.

Пре́жде отше́дшия отцы́ и ма́тери, бра́тию и сестры́ на́ша, и вся́ от ле́т дре́вних ко святе́й ико́не Твое́й се́й припа́давшия, упоко́й в селе́ниих святы́х, в ме́сте зла́чне, в ме́сте поко́йне, иде́же не́сть печа́ль и воздыха́ние. Егда́ же приспе́ет и на́ше от жития́ сего́ отше́ствие и к ве́чной жи́зни преселе́ние, предста́ни на́м, Преблагослове́нная Де́во, и да́руй христиа́нскую кончи́ну жития́ на́шего, безболе́зненну, непосты́дну, ми́рну и Святы́х Та́ин прича́стну, да и в бу́дущем ве́це сподо́бимся вси́, ку́пно со все́ми святы́ми, безконе́чныя блаже́нныя жи́зни во Ца́рствии возлю́бленнаго Сы́на Твоего́, Го́спода и Бо́га на́шего Иису́са Христа́, Ему́же подоба́ет сла́ва, че́сть и поклоне́ние со Отце́м и Святы́м Ду́хом, во ве́ки веко́в. Ами́нь.

Молитва иная

О Пресвятая Госпоже, Владычице моя Богородице, Небесная Царице! Спаси и помилуй мя, грешнаго раба Твоего, от напрасныя клеветы, от всякие беды и напасти и внезапныя смерти. Помилуй мя в дневных часех и утренних и вечерних, и во всякое время сохрани мя: стояща, седяща соблюди, и на всяком пути ходяща, и в нощных часех спяща снебди, покрый и заступи. Защити мя, Владычице Богородице, от всех враг моих видимых и невидимых, и от всякаго злаго обстояния. На всяком месте и на всякое время буди ти, Мати Преблагая, стена необоримая и заступление крепкое. О, Пресвятая Госпоже, Владычице Дево Богородице! Прийим недостойную молитву мою и сохрани мя от внезапныя смерти, и даруй ми прежде конца покаяние. Пресвятая Богородице, спаси нас! Ты мне хранительница жизни всея явися, Пречистая; Ты мне избави от бесов в час смерти; Ты и по смерти мене упокой. Под твою милость прибегаем, Богородице Дево: молений наших не призри в скорбех, но от бед избави нас, Единая Чистая и Благословенная. Пресвятая Богородице, Спаси нас!

Посмотрите видео об Остробрамской иконе
Обсудить статью и задать вопросы о православной вере можно в комментариях: