Православный информационный портал
Православный
информационный
портал

Акафист святым царственным страстотерпцам

2018 год является особой датой, сто лет назад были казнены душегубцами члены царской семьи, царь Николай Второй, его жена Александра, сын Алексей и три дочери. Царственные страстотерпцы причислены к лику святых за свое непротивление злу, они смиренно пошли на казнь, зная, что впереди их ожидает Царство Небесное.

Акафист святым царственным страстотерпцам — гимн и благодарственное пение Богу за терпимость, смирение семьи Николая Второго, расстрелянной в 1918 году красноармейцами.

В чем святость царской семьи

У некоторых христиан возникает вопрос, чем царская семья заслужила перед Богом честь быть причисленной к лику святых, ведь они не страдали за веру, жили в богатстве и светских утешениях.

Семья императора Николая ІІ причислена к лику святых за их непротивление злу

Николай Второй стал последним императором России, его семья до последней минуты оставалась верной православию. Николай был миропомазан на царствие самим Богом, его расстрел стал бунтом против Всевышнего Творца и Его воли.

Важно! Расстрел семьи царя — святотатство, совершенное властями России, его грех до сих пор лежит на всей стране. Уважая духовную и историческую память России, христиане поют благодарственные песни памяти семье, разделившей с императором все испытания, молясь с ним до последнего мгновения.

Иоанн Кронштадтский писал о Николае Втором, как о праведном и благочестивом верующем, который достойно пронес крест испытаний, данный ему Творцом. Рожденный в день памяти Иова Многострадального и названный в честь Николая Чудотворца, царь всю жизнь молился святым и понимал, что ему предназначено пройти многострадальный путь испытаний, подобно Иову.

Его жена Алиса, во имя любви к мужу и стране, стала православной, подобно Руфи приняла Бога мужа своим Богом (Руфь.1:16).

Взошедший на престол Николай Второй дал обет Творцу хранить мир, преуспевание, укреплять могущество державы. Сердце царя было настолько миролюбивым, что за время своего царствования не было подписано ни одного смертного договора, каждую просьбу о помиловании император подписывал мгновенно, переживая, чтобы добрая весть вовремя дошла да страждущего.

Пройдя свой путь на Голгофу, по великой милости Всевышнего царская семья была взята на Небеса одновременно.

Как читать акафист святым страстотерпцам и его значение

Многих христиан волнует вопрос, как правильно читать акафист в домашних условиях, сколько времени надо уделить чтению святого послания, чтобы получить положительный ответ.

В первую очередь вопрос чтения святого Писания, молитв и акафистов следует решать со своим духовным наставником или священником, которому доверяете свои исповеди.

Икона святых Царственных страстотерпцев

Основным условием чтения прошений и благодарственных песен Богу за святых является искреннее, чистоте сердце, в котором нет гнева, злобы и непрощения.

В акафисте святым царственным страстотерпцам звучит хвала Богу, давшему членам царской семьи выдержать со смирением все испытания, выпавшие на их долю, и остаться верными христианской вере.

Все акафисты здоровые христиане читают стоя как дома, так и в храме, исключение делается для больных и стариков.

Важно! Принимая решение в особо сложных ситуациях читать акафист 40 дней, обязательно следует получить благословение священника.

Акафист святым царственным страстотерпцам читается при сложных ситуациях, когда возникают:

  • трудности и несчастья;
  • отсутствие мира и взаимопонимания в семейных отношениях;
  • финансовые проблемы;
  • незаслуженные обиды и гонения;
  • нехватка терпения и смирения.

Христиане просят царскую семью ходатайствовать перед Богом о даровании сохранения чистоту и целомудрие, избавить от безбрачия и бездетности, об обращении в православие родных и близких, не познавших еще прелестей истинной веры.

Кондак 1

Избраннии покровителие земли Российския, похвальная пения восписуем вам, благочестие и чистоту жития вашего прославляюще и страдальческий подвиг ваш почитающе. Вы же, имуще велие дерзновение ко Господу, молите о земном отечестве вашем и о всех с верою и упованием прибегающих к вам и взывающих: Радуйтеся, святии Царственнии страстотерпцы, земли Российския заступницы.

Икос 1

Ангел Божий, предстояй алтарю Господню, прият молитвы ваша и возложи на кадильницу злату, вкупе с молитвами всех святых; и изыде дым кадильный от руки Ангела пред Бога. Мы же, почитающе достославное житие ваше, глаголем вам: «Веселитеся о Господе и радуйтеся, праведнии» и зовем таковая:
Радуйтеся, предстоящии Престолу Агнца, облечены в ризы белы; Радуйтеся, вкушающии ныне от манны сокровенныя.
Радуйтеся, на высоту добродетелей Христовых восшедшии; Радуйтеся, благая дела, аки фимиам благовонный, Господу принесшии.
Радуйтеся, благодарящии Господа на всякое время; Радуйтеся, гусли седмиструнныя, присно Господа восхваляющия.
Радуйтеся, власть царскую яко служение, Богом данное, почитавшии; Радуйтеся, креста сего бремя достойно понесшии.
Радуйтеся, отечество ваше паче жизни временныя возлюбившии; Радуйтеся, страдальческий подвиг за него подъемшии.
Радуйтеся, вы бо есте красота Церкве Христовы; Радуйтеся, Святыя Руси похвало и нетленная славо.
Радуйтеся, святии Царственнии страстотерпцы, земли Российския заступницы.

Кондак 2

Видя Всеблагий Господь чистоту сердца твоего, страстотерпче царю Николае, избра тя от рождения на служение Себе. Ты же, быв даже до смерти верен Богу и отечеству твоему, воспевал еси на всяк день хвалу Господу: Аллилуия.

Икос 2

Разум духовный даровася вам, святый царю Николае, святая царице Александро вкупе со царственными чады вашими, от юности бо познасте истину словес Писания: «Приступите ко Господу и просветитеся, и лица ваша не постыдятся». Темже Христос Бог в добродетелех и жертвеннем служении вашем укрепляше вас. Сего ради приимите от нас похвалы сия:
Радуйтеся, благородныя лозы грозды благословеннии; Радуйтеся, благочестивых русских государей достойнии преемницы.
Радуйтеся, о прославлении угодников Божиих ревновавшии; Радуйтеся, святых храмов и обителей созидателие.
Радуйтеся, обидимых благосердии заступницы; Радуйтеся, милость народу вашему и по сей день являющии.
Радуйтеся, яко елени на источники водныя ко Господу души устремившии; Радуйтеся, от младых лет сердца возвышена к Богу имевшии.
Радуйтеся, со Христом сочетавшиися; Радуйтеся, благочестия светильницы.
Радуйтеся, блистающии радугою седмицветною даров Духа Божия; Радуйтеся, завет России с Богом утверждавшии.
Радуйтеся, святии Царственнии страстотерпцы, земли Российския заступницы.

Кондак 3

Сила любве Божественныя коснуся сердца твоего, святая царице Александро, и познала еси истину веры Православныя. Такожде русскою духом соделалася еси и народу твоему матерь явилася еси, древним царицам русским уподобившися. Мнози же человецы, врагом рода христианскаго возбуждаеми, оклеветоваху и хуляху тя. Ты же евангельски вся со смирением терпела еси, воспевающи благодарственно Господеви: Аллилуия.

Икос 3

Имуще ревность о богоугождении, святии Царственнии страстотерпцы, провождасте дни своя в молитве и благотворении, еще же о умирении языков и племен попечение имели есте, заступницы земель словенских суще. Мы же, множество благих деяний ваших воспоминающе, с любовию вопием вам сице:
Радуйтеся, святыя Александро, Ольго и Татиано, милосердия сестры; Радуйтеся, болезни ранами уязвленных облегчавшия.
Радуйтеся, разжже бо Господь сердца ваша огнем любве Своея; Радуйтеся, и нас сего дара сподобляющии.
Радуйтеся, клевету и поношение кротко претерпевшии; Радуйтеся, бысте бо искушени, да соделаетеся искусни пред Богом.
Радуйтеся, образ смиренномудрия нам показующии; Радуйтеся, сладкоуханнии сосуди благодати.
Радуйтейся, бысть бо светильник ногам вашим закон Господень и свет стезям вашим; Радуйтеся, чистая зерцала Божественныя премудрости.
Радуйтеся, источницы приснотекущии, реки воды животныя источающии; Радуйтеся, сердца верных напояющии благодатию.
Радуйтеся, святии Царственнии страстотерпцы, земли Российския заступницы.

Кондак 4

Бурю бед и скорбей разделили есте с родительми своими, любовию неизреченною соединеннии, святый цесаревиче Алексие с сестрами Ольгою, Татианою, Мариею и Анастасиею. Измлада имевшии веру нелицемерную и благую совесть, узким путем евангельским море жития земнаго, аки по суху, прешли есте, выну Господу воспевающе: Аллилуия.

Икос 4

Слышаще и видяще ангелонравное житие ваше, о святая царственная чада, и мучителие ваши сердцами умягчахуся. Вы бо, аки крини благоуханнии, процвели есте в земли Российской, украсивше вертоград святых Церкве Христовы. Сего ради приимите от нас песни сия:
Радуйтеся, древа благокоренная, плодоносием добродетелей достолепно украсившаяся; Радуйтеся, радоватися с радующимися и плакати с плачущими навыкнувшии.
Радуйтеся, к любви и попечению о родителех наставляющии; Радуйтеся, юныя ко благу руководствующии.
Радуйтеся, страданиям издетска причастнии; Радуйтеся, мужеству и терпению нас научающии.
Радуйтеся, услаждавшии уста и души словом Божиим; Радуйтеся, побеждающии благим злое.
Радуйтеся, новая Ольго богомудрая, державнаго отца сотаиннице, и Татиано добропобедная; Радуйтеся, Марие, милости исполненная, и Анастасие светолучная.
Радуйтеся, чада царственная, юныя ластовицы небесныя; Радуйтеся, простоты во Христе образ нам подающии.
Радуйтеся, святии Царственнии страстотерпцы, земли Российския заступницы.

Кондак 5

Божественный свет осия лица ваша, яко не о внешнем попечение иместе, но много паче внутренняго человека добродетельми украсити тщастеся. Бысть же знамение чудное, егда схимницы богочестивии затвор свой оставиша, да поклонятся ти, боговенчанный страстотерпче Николае, и благословят тя, воспевающа Господеви: Аллилуия.

Икос 5

Видевше, святии страстотерпцы Царственнии, яко вся в мире сем тленна и преходяща, сокровище свое в Бозе положили есте, о исполнении заповедей евангельских нелицемерное прилежание явивше, да в немощи вашей сила Божия совершается, отечество же ваше ко благоденствию ведясте. Мы же, дивящеся преславному житию вашему, воспеваем сице:
Радуйтеся, супругом добрии наставницы; Радуйтеся, родителем в воспитании чад мудрии учителие.
Радуйтеся, монашествующих покровителие; Радуйтеся, о Церкви Божией попечение имевшии.
Радуйтеся, в житиях святых поучатися возлюбившии; Радуйтеся, подражателие наследствующих обетования верою и долготерпением.
Радуйтеся, бремена ближних носившии; Радуйтеся, о исполнении воли Божия выну ревновавшии.
Радуйтеся, умы и сердца горе обращавшии; Радуйтеся, терпеливомудрым нравом украшеннии.
Радуйтеся, вы бо, ветхаго отложивше человека, плотское мудрование отринули есте; Радуйтеся, от лампады небесныя светильники сердечныя возжегшии.
Радуйтеся, святии Царственнии страстотерпцы, земли Российския заступницы.

Кондак 6 

Проповедует вся страна Российская, любовию к вам исполненная, богоразумие и высоту жития и кончины вашея. О святый царю Николае, ты достойно несл еси бремя правления державою, яко послушание, Господом данное, со тщанием, любовию и страхом Божиим, ведая, яко един Господь управляет стезями человеческими, и воспевая хвалебную песнь Творцу: Аллилуия.

Икос 6

Возсияша, яко звезды путеводныя царству Российскому, седмочисленнии мученицы, Небеснаго Иерусалима украшение, к горнему путь указующия. Мы же, взирающе на образ ваш, с радостию возносим вам песни таковыя:
Радуйтеся, яспис веры в основание храмины сердечныя положившии; Радуйтеся, из сардоникса смирения дом душевный устроившии.
Радуйтеся, сапфиром целомудрия увенчаннии; Радуйтеся, аки халкидон, в нетленной чистоте прекраснии;
Радуйтеся, смарагдами богословия ум и сердце питавшии; Радуйтеся, горящии духом пред Богом, аки сардий.
Радуйтеся, блистающии, яко хрисолиф, преподобием; Радуйтеся, сияющии, яко хрисопрас, правдою.
Радуйтеся, вирилл сокрушения сердечнаго обретшии; Радуйтеся, благотворением, аки топазием, венец украсившии.
Радуйтеся, быша бо капли кровей ваших аки иакинфы; Радуйтеся, амефист небесный улучившии терпением.
Радуйтеся, святии Царственнии страстотерпцы, земли Российския заступницы.

Кондак 7

Хотя Человеколюбец Господь всем людем спастися и в разум истины приити, яви вселенней святаго царя Николая, иже просия, аки луча благодатная, посреде нечестия и богоотступления, являя благий пример жития христианского. Последи же мученическую кончину прият Государь, да присно молит Бога о стране своей, поя Ему: Аллилуия.

Икос 7

Новаго Иова Многострадальнаго возрасти Церковь Русская, святаго царя страстотерпца Николая, в день праведнаго Иова на свет Божий рождшагося. Ты бо, святый мучениче Николае, всех простил еси, повелевая не мстити за тя, и рекл еси, яко зло погибнет, едина же любы победит. Благодаряще убо Господа за вся, вкупе с царицею и чады душевная и телесная страдания претерпел еси. Темже и мы, дивящеся крепости духа вашего, о святии страстотерпцы Царственнии, вопием вам сице:
Радуйтеся, крест, Христом Богом благословленный, на рамена вземшии; Радуйтеся, в жертву за люди своя принести себе готовии.
Радуйтеся, присными оставленни, благодатию же укрепляеми; Радуйтеся, яко ничтоже возможе отлучити вас от любве Христовы.
Радуйтеся, вы бо, на Христа взирающе, по водам страданий ко Господу прешли есте; Радуйтеся, молитвою ко Иисусу Сладчайшему горечь заточения услаждавшии.
Радуйтеся, представившии уды ваша в оружия правды Богови; Радуйтеся, Христови сораспеншиися.
Радуйтеся, кротостию ненависть истреблявшии; Радуйтеся, ни единому же злая за зло воздававшии.
Радуйтеся, овчата белорунная, на пажити Христовой упасшаяся; Радуйтеся, Господу пастыреначальнику до конца последовавшии.
Радуйтеся, святии Царственнии страстотерпцы, земли Российския заступницы.

Кондак 8

Странное и преславное чудо явися в стране Российстей, дом Пресвятыя Богородицы нареченней. Бысть бо, егда отступиша людие от веры, внемлюще учением бесовским, сотвориша беззаконие и неправду и отрекошася от Царя — Помазанника Божия, тогда Царица Небесная Сама скипетр и державу прият в Пречистыя руце Свои. Ты же, о святый царю Николае, за неверная и стропотная чада твоя умоляя, выну пред Престолом Божиим воспеваеши: Аллилуия.

Икос 8

Весь исполнен злобы, враг рода человеча воздвиже в стране нашей гонение лютое от людей безбожных и зверонравных, и потекоша реки крове христианския. Вы же, все упование на Бога и Пречистую Богородицу возложивше, ничесоже убоялися есте, на подвиги древлих мучеников взирающе, духом же прозревающе, яко чрез страдания и скорби сия приведет Господь Россию к велицей славе. И мы, покланяющеся подвигом вашим, вопием вам сице:
Радуйтеся, Господа не отвергшиися пред человеки; Радуйтеся, держасте бо исповедание упования неуклонное.
Радуйтеся, мучителей своих простившии; Радуйтеся, за врагов с любовию молившиися.
Радуйтеся, воини Христовы, явльшии мужество необоримое; Радуйтеся, оружием Креста видимыя и невидимыя враги победившии.
Радуйтеся, бисери духовнии, нить многоценную составившии; Радуйтеся, союзом любве соединеннии.
Радуйтеся, утешение в Божественной литургии обретавшии; Радуйтеся, друг друга любовию укреплявшии.
Радуйтеся, слезами своими огнь праведнаго гнева Божия угашающии; Радуйтеся, молитвами вашими покров небесный народу своему исткавшии.
Радуйтеся, святии Царственнии страстотерпцы, земли Российския заступницы.

Кондак 9

Все естество ангельское удивися, зряще, како посреде лета воспеша Государь и вси людие Российстии Пасху, прославляюще Саровскаго угодника Божия досточуднаго Серафима. Темже и преподобный, по обетованию своему, прослави тя, богоблаженный царю Николае. Мы же славословим Господа, дивнаго во святых Своих: Аллилуия.

Икос 9

Ветия многовещанныя не возмогут изрещи по достоянию полноту попечения вашего о стране Российстей и людех ея. Вы бо, аки делатели усердни, вся благая соделасте вертограду вашему, чающе, да принесут людие плоды добрыя, сотвориша же тии терние. Обаче вы, народ свой простивше, молили есте Бога о вразумлении онаго и о спасении. Мы же, недостойная чада ваша, воспеваем вам:
Радуйтеся, блаженнии, званнии на вечерю брака Агнча; Радуйтеся, яко белыя горлицы к небу возлетевшии.
Радуйтеся, яко седмисвещник святый у Престола Божия горящии; Радуйтеся, в радость Господа своего вшедшии.
Радуйтеся, Ангелов веселие и ликование; Радуйтеся, прибежище наше в скорбех и обстояниих.
Радуйтеся, маслины многоцелебныя, недуги наша исцеляющии; Радуйтеся, в земных нуждах благовременно нам помогающии.
Радуйтеся, благоуханием мира, от икон ваших истекающим, всю Россию исполнившии; Радуйтеся, российских царей достолепное украшение.
Радуйтеся, бысте бо общницы мудрым девам; Радуйтеся, в чертозех светлых вселившиися.
Радуйтеся, святии Царственнии страстотерпцы, земли Российския заступницы.

Кондак 10

Спасти хотяще люди русския, святии царственнии страстоносцы, не оставили есте народа своего, но присно с нами духом пребываете. Подвигом добрым подвизастеся, течение скончасте, веру соблюдосте, темже уготова вам Господь венцы правды. И мы, благодаряще вас и во святых вас прославляюще, непрестанно Богу вопием: Аллилуия.

Икос 10

Стена и ограждение стране Российской явился еси, святый царю самодержавный, мудро управляя царством, от Бога тебе врученным, и ко благу вся руководяй. Ты бо, аки мнози от князей древлих, яко солнце пресветлое явился еси Отечеству твоему и, святым Борису и Глебу подобно, страстотерпческим подвигом праведное житие увенчал еси. Мы же, о святии страдальцы державнии, благодарне глаголем вам сицевая:
Радуйтеся, чадам Церкве возлюблении; Радуйтеся, духом радования нас исполняющии.
Радуйтеся, приводящии заблуждших к свету истины; Радуйтеся, Православие своею жизнию утверждающии.
Радуйтеся, воинства российскаго покровителие; Радуйтеся, защитницы наши и скории помощницы.
Радуйтеся, предстательством вашим исцеление и очищение душам нашим приносящии; Радуйтеся, свобождающии нас от пленения страстьми.
Радуйтеся, от клеветы нас избавляющии; Радуйтеся, злых и лукавых людей вразумляющии.
Радуйтеся, благоухание небеснаго сада; Радуйтеся, богокраснии цвети райстии.
Радуйтеся, святии Царственнии страстотерпцы, земли Российския заступницы.

Кондак 11

Пение умиленное приносим вам, всехвальнии, яко праведным благоверным царем и страстотерпцем Христовым. Ныне же молим вы усердно: умолите милостиваго Владыку, да простит нам беззакония наша и да сподобимся купно с вами воспевати Создателю: Аллилуия.

Икос 11

Светоподательная свеща бысть всей вселенней житие ваше, озаряюще, просвещающе и согревающе сердца человеков. Темже Твоим светом озари, Христе, и помышления наша, молитвами святых страстотерпец Твоих, ихже с любовию ублажаем похвалами таковыми:
Радуйтеся, вкупе со Ангелы хвалу Господу воспевающии; Радуйтеся аки лучи солнечныя мрак греховный разгоняющии.
Радуйтеся, страданьми к великой славе прешедшии; Радуйтеся, соделавшиися световидны храмы Божества.
Радуйтеся, яко души ваша желаху и скончавахуся во дворы Господни; Радуйтеся, яко сердца ваша возрадовашася о Бозе живе.
Радуйтеся, всею Россиею прославленнии; Радуйтеся, во всем мире Православнем почитаемии.
Радуйтеся, небесною прохладою в знои скорбей нас орошающии; Радуйтеся, утешение и отраду нам подающии.
Радуйтеся, зари невечерния златое сияние; Радуйтеся, света неземнаго причастницы.
Радуйтеся, святии Царственнии страстотерпцы, земли Российския заступницы.

Кондак 12

Благодать Господня опочи на вас, осеняющи над главою в день брани. Слышаще же словеса Господня: «Претерпевый до конца, той спасен будет», достойно шествие земное скончали есте, в скорбех воспевающе Богу: Аллилуия.

Икос 12

Поюще ваше прославление, радуемся радостию неизреченною: вы бо, якоже вавилонстии отроцы богочестивии, во огни страданий росою Духа Святаго осенени бысте. Темже молим вас: и нас огня будущаго молитвами вашими избавите, да воспеваем вам:
Радуйтеся, семена Божественнаго Слова в сердца приемшии; Радуйтеся, плоды добрыя сотворшии.
Радуйтеся, нищетою духовною богатящиися; Радуйтеся, из горушична зерна смирения возрастившии райское древо спасения.
Радуйтеся, кротостию Господу подражавши; Радуйтеся, насыщаемии правдою Божиею.
Радуйтеся, многоценный бисер любве стяжавшии; Радуйтеся, пшенице чистая на ниве Христовой.
Радуйтеся, миротворцы, мира духовнаго исполнении; Радуйтеся, неправедно гонимии.
Радуйтеся, молитвы щитом от соблазнов мира огражденнии; Радуйтеся, сокровенное жительство о Бозе аки маргарит обретшии.
Радуйтеся, святии Царственнии страстотерпцы, земли Российския заступницы.

Кондак 13

О всеславнии и великоименитии Христовы угодницы, страстотерпцы царю Николае, царице Александро, цесаревиче Алексие, царевны Ольго, Татиано, Марие и Анастасие, венец златый державы Российския составльшии! Приимите милостивно нынешнее малое моление наше, от любящих сердец благоговейно вам приносимое. Яко велие имуще дерзновение ко Господу, молитеся о всех нас и о земном отечестве нашем, да обрящем милость в день судный и сподобимся в Царствие Небесное внити, воспевающе непрестанно Богу: Аллилуия.
(Этот кондак читать трижды. Затем читается Икос 1 и Кондак 1).

Акафист святым царственным страстотерпцам
Обсудить статью и задать вопросы о православной вере можно в комментариях: