Православный информационный портал
Православный
информационный
портал

Акафист святому равноапостольному князю Владимиру

Православный мир России и каждый христианин в отдельности с глубокой благодарностью воздает хвалу памяти великого князя Владимира, крестителя Руси. Молитва равноапостольному правителю дарует укрепление веры в Спасителя. Князь Владимир своей жизнью показал силу христианской веры, когда из ярого язычника, многоженца, преследователя христиан рождается верный последователь Спасителя и Бога Отца.

Акафист святому равноапостольному князю Владимиру — воздаяние хвалы, поклонение при прошении защитить от беды, укрепить веру, избавить от неудач.

Почему обращаются к святому

Внук святой княгини Ольги стал князем Киевской Руси после смерти отца. Во имя укрепления силы своего народа и Руси князь принимает крещение, понимая, что это единственный путь в объединении державы и получении поддержки других стран.

Икона равноапостольного князя Владимира
  • По воле правителя державы жители Киевской Руси насильно были крещены в Днепре, в страну начали приезжать проповедники, священники, быстро растут православные храмы, по всей Руси под страхом смерти уничтожаются языческие идолы.
  • По указу Владимира начинается возведение храма Великого Василия, закладывается основание Десятинной церкви и еще много других храмов. Митрополит Михаил по приказу великого князя организовывает при храмах церковные училища, готовящие служителей.
  • Бог наполнил сердце равноапостольного князя милостью к простым людям, в княжеском доме устраиваются пиры для простого люда, больным и нищим еда передавалась просто по домам. В такие дни звонили колокола, все славили Бога и благодарили святого Владимира за его доброту.

С глубоким почитанием Владимир хранит память о бабке-христианке, в 1007 году  мощи святой княгини Ольги переносятся в Десятинную церковь, там же похоронена последняя и единственная на то время любимая жена Владимира — Анна. В 1015 году на тридцать седьмом году правления Киевской Русью правитель державы скончался и был похоронен рядом с княгиней Анной. Их останки были погребены под завалами Десятинного храма во время набегов монголо-татар и обретены только в 1635 году.

Ныне часть святых мощей, а именно глава святого крестителя покоится в Киево-Печерской лавре.

Правила чтения акафиста

Хвалебное песнопение, христианский гимн святому Владимиру равноапостольному — благодарственное поклонение потомков, которые с радостным настроением вспоминают великие дела князя, даровавшего России великую веру в Спасителя.

Кондак 1

Избраннаго светильника, тьму идолослужения в державе Российстей разгнавшаго и светом Божественныя веры ю просветившаго, восхваляем тя, святый равноапостольный княже Владимире:
ты же яко выну со дерзновением предстояй Царю царствующих,
не престай моляся о достоянии твоем и твоими молитвами сохраняй нас от всяких бед и зол, да со умилением благодарственно зовем ти:
Радуйся, Владимире, державы Российския просветителю.

Икос 1

Ангелом и человеком Творец, времена и лета во Своей власти положивый
и судьбы государств и народов устрояяй, егда благоизволи призвати род российский от тьмы идолослужения ко свету истины и правды вечныя,
постави тя, благоверный княже, благовестителя и совершителя сея всеблагия воли Своея.

Темже, благодаряще Творца и Спаса нашего, славословим тя,
яко великаго избранника Божия нашего ради спасения, с веселием зовуще:
Радуйся, равноапостоле, ко просвещению народа русскаго премудрым промыслом предызбранный;
Pадуйся, от первозваннаго апостола на горах Киевских прореченный.
Радуйся, преславный сосуде Божественныя благодати, державе твоей дарованный;
Pадуйся, пречудный кореню, из негоже на земли нашей произрасте велие древо правоверия.
Радуйся, яко тобою имя Господне во всех пределех страны твоей прославляется;
Pадуйся, яко и твое преславное имя от всех родов российских с любовию воспевается.
Радуйся, Владимире, державы Российския просветителю.

Кондак 2

Видя суету бездушных идолов и прелесть диавола, еюже уловляет темныя люди в сети беззакония,
купно же слыша святых первомученик русских за Христа Феодора и юнаго Иоанна,
глаголющих безбожным мучителем:
«Бози ваши не суть бози, но древо, еже днесь пребывает утро сгнило есть, Един же есть Бог истинный, Иже сотвори небо и землю»;
тогда возгорелся еси сердцем, во еже взыскати и уведети Сего Единаго истиннаго Бога,
Емуже покланяется всяко колено небесных, земных и преисподних, немолчно воспевая: Аллилуия.

Икос 2

Разум всевышний приосени тя, егда предсташа ти проповедницы разновернии и потщался еси,
да не уловлен будеши в сети лжеучения, но да обрящеши веру истинную и спасительную.

Темже ублажаем тя:
Радуйся, премудрый просветителю народа русскаго;
Pадуйся, разум богопросвещенный стяжавый.
Радуйся, яко ухищрения и суесловия лжеучителей посрамил еси;
Pадуйся, яко глаголы жизни вечныя в словесех Мудреца истиннаго мудре уразумел еси.
Радуйся, лучу Божественнаго света посреде тьмы лжеверия;
Pадуйся, стено нерушимая посреде бури страстей языческих.
Радуйся, Владимире, державы Российския просветителю.

Кондак 3

Силою свыше умудрен, послал еси мужи избранныя во страны иныя, да видят и испытают,
како инии народи служат Богу и како веру свою от дел своих показуют;
тии же, вся добре испытавше, достигоша Царяграда,
идеже видяще благолепное совершение Божественнаго священнодействия,
мнеша себе не на земли, но на Небеси стояти,
и со умилением сердца воздаша хвалу Господеви, зовуще: Аллилуия.

Икос 3

Имуще в сердцах своих твердое уверение,яко вера грековосточная воистинну есть православная
и яко священнодействия ея паче всех иных велелепна,
посланнии тобою мужие, возвратившеся во Отечествие свое,
исповедаша сия пред лицем твоим и пред старейшины твоими, рекоша же:
«Никтоже, вкусив сладкаго, восхощет горькаго,
тако и мы не можем паки остати зде и служити кумиром».
Таковое извещение прием, возгорелся еси ревностию по вере истинней.

Сего ради величаем тя:
Радуйся, гласу Божественныя благодати прилежно внимавый;
Pадуйся водительству Святаго Духа усердно последствовавый.
Радуйся, яко советники твоя умудрил еси;
Pадуйся, яко вся люди твоя советы твоими ко истинней вере привлекл еси.
Радуйся, яко со тщанием поискал еси добраго бисера Христа;
Pадуйся, пчело трудолюбивая, мудре взыскавшая цветы, в них же сладкий мед истины и спасения.
Радуйся, Владимире, державы Российския просветителю.

Кондак 4

Бурею сумнений и недоумений не поколебался еси, повнегда уведети тебе веру истинную,
православную, но абие восхотел еси прияти святое Крещение со всею державою твоею,
да купно с нею, яко отец со чады своими, достойно воспоеши Богу: Аллилуия.

Икос 4

Слышавше боляре и старейшины яже о вере истинней, помянуша праматерь твою
святую княгиню Ольгу, яже прият святое Крещение в Цариграде, и рекоша:
«Аще не бы блага бысть вера сия, не бы прияла ю сия мудрейшая в женах».
Темже и мы, присно поминающе премудрую Ольгу, благодарственно зовем ти:
Радуйся, яко соблюл еси Божественное семя, еже всея в сердце твое блаженная праматерь твоя;
Pадуйся, яко святым заветом тоя последовал еси.
Радуйся, яко провидел еси в ней зарю спасения народа твоего;
Pадуйся, солнце, возшедшее по заре той.
Радуйся, свете, старейшины твоя просветивый;
Pадуйся, вся люди твоя ко Христу приведый.
Радуйся, Владимире, державы Российския просветителю.

Кондак 5

Боготканную одежду святаго Крещения восхотев получити, помыслил еси,
откуду и како имети имаши толик сонм пастырей и учителей, да просветят вся люди твоя с тобою,
и како пояти себе жену, в вере святей испытанну, дому твоему благую строительницу,
чадом твоим матерь во Христе, советницу же всем во благочестии,
и о сем всем поревновав, дух твой приведе тя ко стране Гречестей,
идеже вернии от лет древних благочестно воспевают Богу: Аллилуия.

Икос 5

Видевше царие гречестии всю страну твою во тьме идолослужения коснящу,
небрегоша тя, яко кумиром служаща, обаче побеждени бывше от тебе,
и уведевше крепкое произволение твое прияти святое Крещение и вся люди твоя ко Христу привести,
исполнишася радости и вдаша ти сестру свою Анну на брак, пастыри же и учители народу твоему.

Темже и мы, присно радующеся святому сему союзу твоему, воспеваем тя:
Радуйся, яко посетил есть тя Восток свыше;
Pадуйся, яко звезда Всевышняго приведе тя к Востоку, идеже Премудрость созда себе дом
и утверди столпов седмь, седмь Соборов Вселенских, иже утвердиша веру Христову по вселенней.
Радуйся, яко сия есть вера апостольская, сия вера вселенную всю утверди;
Pадуйся, яко от чистаго источника чистое учение Христово приял еси.
Радуйся, дому твоего и чад твоих добрый рачителю;
Pадуйся, всего народа твоего премудрый наставниче.
Радуйся, Владимире, державы Российския просветителю.

Кондак 6

Пастырие и учители, ихже приял еси, прехвальне княже, от царей греческих,
яко да напаяют всю страну Российскую ученьми Божественными, со тщанием течаху на делание свое,
благодарственно поюще призвавшему народ твой ко спасению Господу Богу: Аллилуия.

Икос 6

Возсия пречудне чувственный свет в помраченною недугом слепоты очию твоею,
в душе твоей свету благодати возсиявшу, егда, просветився Божественным Крещением,
изшел еси от святыя купели, еже ощутив, радостно воскликнул еси:
«Ныне познах Бога истиннаго».
Темже ублажаем тя:
Радуйся, светильниче, огнем Божественныя благодати во тьме язычества возжженный;
Pадуйся, благовестителю света Христова, омраченная очеса и сердца народа твоего отверзаяй.
Радуйся, яко умныма очима твоима провидел еси Божие смотрение о державе твоей;
Pадуйся, яко до конца потщался еси, да и вси людие твои просветятся в нем.
Радуйся, богосветлая главо князей Pоссийских;
Pадуйся, славнейшее украшение и похвало Церкве Христовы.
Радуйся, Владимире, державы Российския просветителю.

Кондак 7

Хотя просветити Божественным Крещением народ русский,
первее повелел еси креститися сыновом и вельможам твоим, да вси людие,
последующе стопам их, со благим произволением приступят ко святому Крещению,
благочестно зовуще Богу: Аллилуия.

Икос 7

Ново творение во Христе яви тя, по святем крещении, образ жития твоего:
ревнитель бо первее быв идолослужения, последи выну по вере Христовой ревновал еси:
возлюбил же еси кротость и милосердие, воздержание и целомудрие
и все житие по заповедем Господним.

Чудящеся убо благому пременению сему, благочестно зовем ти:
Радуйся, яко росою Святаго Духа пламень страстей в себе угасил еси;
Pадуйся, яко огнем Божественныя благодати вся помышления и вся чувствия твоя согрел еси.
Радуйся, селения Господня, церкви святыя, паче всех селений земных возлюбивый;
Pадуйся, Божественныя службы и Христова учения паче всех деяний и учений взыскавый.
Радуйся, образ Новаго жития всем людем твоим в себе показавый;
Pадуйся, сирых и убогих благий кормителю и попечителю.
Радуйся, Владимире, державы Российския просветителю.

Кондак 8

Странное бе, купно же и радостотворное видение, егда тмочисленный сонм мужей и жен, юнош и дев,
таже незлобивых младенец с радостию течаху к реце Днепру,
якоже ко Иордану, идеже крещахуся во имя Отца и Сына и Святаго Духа,
иереом на брезе возносящим тайнодейственныя молитвы и воспевающим Господу песнь: Аллилуия.

Икос 8

Весь был еси объят неизреченною радостию, достоблаженне княже, зря крещаемыя люди твоя,
и во умилении сердца, воздав хвалу Спасителю Богу, усердно молил еси Его,
да призрит на новопросвещенныя люди Своя,
да утвердит их в вере и благочестии и да прославит имя Свое в странах русских.

Воспоминающе убо преславное и прерадостное сих сбытие,
приносим ти благодарственныя и похвальныя песни сия:
Радуйся, виновниче спасения безчисленных душ в земли Русстей;
Pадуйся, неоскудеваемый источниче благословений и милостей Божиих к народу твоему.
Радуйся, благий вертоградарю, сад Божественныя веры в царстве твоем насадивый;
Pадуйся, поточе сладости, напоивый водою благочестия люди русския.
Радуйся, яко Божественную веру прославил еси, прелесть же идольскую посрамил еси;
Pадуйся, яко Царь царей дарова тебе мудрость Соломонову, кротость Давидову,
ревность Илиину, правоверие апостольское.
Радуйся, Владимире, державы Российския просветителю.

Кондак 9

Все естество Ангелов, хранителей рода человеческаго, прослави тя, благоверный княже, егда повелел еси отцем и матерем вдаяти дети своя в учение книжное, да разумеют, яже веруют, и да познают, како житие свое добре по вере провождати. Темже и ныне призри на дети, учащияся Божественным писанием, и на отцев и матерей их, пастырей же и учителей, споспешествующих им во учении, благослови, укрепи и настави я во трудех их,
да возрастают в вере истинней и в добром житии, поюще Богу: Аллилуия.

Икос 9

Ветии многовещаннии не могут достойно изобразити величие благодеяний,
дарованных тобою, княже, земли твоей: водворив бо в ней Божественную веру,
избавил еси ю от мрака языческаго и вечныя погибели, открыл еси ей путь ко истинному просвещению,
ко спасению и земному благоденствию.

Сего ради со благодарением благочестно зовем ти:
Радуйся, могущества и славы державы Российския основателю;
Pадуйся, истиннаго просвещения и благочестия в ней насадителю.
Радуйся, в народе твоем языческих суеверий и злых обычаев искоренителю;
Pадуйся, идольских требищ и кумиров потребителю.
Радуйся, святых храмов создателю;
Pадуйся, равноапостольному царю Константину равночестный подобниче.
Радуйся, Владимире, державы Российския просветителю.

Кондак 10

Спасти хотя от вечныя погибели царство твое, в бездне идолослужения гибнувшее,
подъял еси велия труды и попечения,
обходя грады и веси земли твоея и посылая повсюду пастыри духовныя,
во еже Божественною верою и святым Крещением люди твоя просветити,
и научити их Единому истинному Богу пети: Аллилуия.

Икос 10

Стена твердая был еси земли твоей во вся дни живота твоего
противу врагов тоя и виновник благоденствия и славы ея;
буди и ныне защитник необоримый от враг видимых и невидимых и помощник в нуждех и скорбех нам,
с любовию вопиющим тебе:
Радуйся, благопопечительнейший пастырю народа русскаго;
Pадуйся, благострадательнейший отче сирых и страждущих.
Радуйся, готовый споспешниче ищущих вечнаго спасения и истиннаго просвещения;
Pадуйся, слава и радование державы Российския.
Радуйся, присный помощниче в многотруднем деле народоправления;
Pадуйся, мощный споборниче в брани воинства российскаго и вождей его.
Радуйся, Владимире, державы Российския просветителю.

Кондак 11

Пение умиленное приими от нас, угодниче Божий, сокруши твоими молитвами вся враги наша,
насади православную веру среди язык страны русския, не ведущих истиннаго Бога,
искорени в ней вся ереси и расколы,
да вси сынове российстии едиными усты и единым сердцем славят Бога, поюще Ему: Аллилуия.

Икос 11

Светозарное светило, просвещающее сиянием своим всю страну Российскую ты еси,
достохвальне княже Владимире,
разгоняя мрак идолослужения и показуя путь к истинному просвещению и небесному блаженству.

Сего ради, прославляюще тя, глаголем:
Радуйся, звездо, просвещенная от незаходимаго Солнца правды;
Pадуйся, путеводителю, правую стезю к вечному спасению нам открывый.
Радуйся, мощный споспешниче и укрепление проповедников православныя веры;
Pадуйся, присный покровителю благих наставников юношества и всех благотрудящихся на пользу общую.
Радуйся, скорый помощниче всех, к помощи твоей прибегающих;
Pадуйся, яко всем усердно тя чтущим благотворныя советы подаеши.
Радуйся, Владимире, державы Российския просветителю.

Кондак 12

Благодать Пресвятаго Духа испроси нам, преблагий пастырю наш, от всещедраго Бога и Спаса нашего,
вразумляющую и укрепляющую нас в деле спасения,
да не безплодна будет в нас насажденная тобою святая вера,
но да уклоняющеся от путей нечестия и заблуждений, ходим во свете заповедей Божиих
и достигнем вечнаго блаженства, воспевающе Богу: Аллилуия.

Икос 12

Поюще твоя премногая и преславная благодеяния, явленная державе нашей
в просвещении тоя светом Божественныя веры, купно же велия твоя труды и подвиги,
во благоустроение ея подъятыя, усердно благодарим и восхваляем тя, с любовию зовуще:
Радуйся, богоизбранне и богопрославленне самодержче земли Русския;
Pадуйся, несокрушимое ограждение ея, покрове и защищение.
Радуйся, райское древо, произрастившее две пречудныя отрасли,
святых страстотерпцев Бориса и Глеба;
Pадуйся, первостоятелю святых Российския Церкве.
Радуйся, апостолов сопрестольниче и сликовствователю;
Pадуйся, яко на землю Русскую выну призираеши и благ временных и вечных ей у Господа ходатайствуеши.
Радуйся, Владимире, державы Российския просветителю.

Кондак 13

О прехвальный и предивный равноапостоле, великий княже Владимире,
приими милостивно от нас благодарение сие о всех, яже тобою воздаде Господь нам,
отцем и праотцем нашим и всей державе Российстей, начен от дне Крещения даже до сего часа,
и моли всеблагаго Бога пробавити милость Свою на ны и на роды родов наших,
утвердити ны в правоверии и благочестии, хранити же от всех бед и зол, да сподобимся с тобою,
якоже чада со отцем, во веки воспевати Богу: Аллилуия.

Этот кондак читается трижды, затем 1-й икос «Ангелом и человеком Творец…» и 1-й кондак «Избранного светильника…»

Важно! Акафист святого Владимиру можно читать как дома без всякого обета и благословения, так и после благословения духовного наставника в случае принятия какого-то обещания Богу.

Духовный наставник определит, может ли человек понести те духовные обязательства, чтобы у него не возникли проблемы, ибо чтение акафиста возможно только в послушании и благословении.

Святой равноапостольный князь Владимир

К равноапостольному Владимиру с молитвой обращаются христиане, которые:

  • потеряли силу веры;
  • обращались к экстрасенсам и гадалкам;
  • пребывают в унынии и духовных проблемах.

В молитве святому Владимиру звучит покаяние христиан и прошение принести к подножью Божьему существующие проблемы просящего, защитить от нападок злых людей и даровать милость спасения для вечной жизни.

Молитва равноапостольному князю Владимиру

О великий угодниче Божий, богоизбранный и богопрославленный, равноапостольный княже Владимире!
Ты отринул еси зловерие и нечестие языческое, уверовал еси
во Единаго истиннаго Триипостаснаго Бога и, восприяв святое Крещение,
просветил еси светом Божественныя веры и благочестия всю страну Русскую.

Славяще убо и благодаряще премилосердаго Творца и Спасителя нашего, славим, благодарим и тя,
просветителю наш и отче, яко тобою познахом спасительную веру Христову
и крестихомся во имя Пресвятыя и Пребожественныя Троицы:
тою верою избавихомся от праведнаго осуждения Божия,
вечнаго рабства диаволя и адова мучительства;
тою верою восприяхом благодать всыновления Богу и надежду наследования небеснаго блаженства.

Ты еси первый вождь наш к Начальнику и Совершителю нашего вечнаго спасения Господу Иисусу Христу;
ты еси теплый молитвенник и ходатай о стране Российстей, о воинстве и о всех людех.

Не может язык наш изобразити величие и высоту благодеяний,
тобою излиянных на землю нашу, отцев и праотцев наших и на нас, недостойных.

О всеблагий отче и просветителю наш!
Призри на немощи наша и умоли премилосердаго Царя Небеснаго, да не прогневается на ны зело,
яко по немощем нашим по вся дни согрешаем, да не погубит нас со беззаконьми нашими,
но да помилует и спасет нас, по милости Своей, да всадит в сердце наше спасительный страх Свой,
да просветит Своею благодатию ум наш, во еже разумети нам пути Господни,
оставити стези нечестия и заблуждений, тщатися же во стезях спасения и истины,
неуклоннаго исполнения заповедей Божиих и уставов Святыя Церкве.

Моли, благосерде, Человеколюбца Господа, да пробавит нам великую милость Свою,
да избавит нас от нашествия иноплеменных, от внутренних нестроений, мятежей и раздоров,
от глада, смертоносных болезней и от всякаго зла;
да подаст нам благорастворение воздуха и плодоносие земли;
да сохранит и спасет благочестивейший народ наш от всех козней и наветов вражиих;
да дарует ему победу на враги, да исполнит вся благая желания его;
да оградит державу его мудрыми и верными слуги,
да соблюдет в судиях и правителех правду и милость;
да даст пастырем ревность о спасении пасомых,
всем же людем споспешение о еже усердно службы своя исправляти,
любовь между собою и единомыслие имети,
на благо же Отечества и Святыя Церкве верне подвизатися,
да возсияет свет спасительныя веры в стране нашей во всех концех ея,
да обратятся к вере неверующии, да упразднятся вся ереси и расколы;
да тако поживше в мире на земли, сподобимся с тобою вечнаго блаженства,
хваляще и превозносяще Бога во веки веков. Аминь.

Акафист святому равноапостольному князю Владимиру
Обсудить статью и задать вопросы о православной вере можно в комментариях: