Православный информационный портал
Православный
информационный
портал

Акафист и молитва иконе Богоматери «Древо Пресвятой Богородицы»

В начале XXI столетия в церковной иконографии появилась святыня под названием «Древо Пресвятой Богородицы». Она получила широкую известность и продается во многих православных магазинах. В её структуре заключен собирательный образ 16 чудотворных ликов Девы Марии, которая описана как непорочная Матерь Спасителя Христа.

В чем помогает молитва перед образом

Молитва перед иконой «Древо Богородицы» утешает скорби и печали, исцеляет тяжелейшие недуги и укрепляет веру в Господа.

Святыня состоит из 16 ликов, поэтому православные верующие обращаются к ней в различных и многочисленных ситуациях. Человек вправе рассчитывать на исполнение благочестивого прошения, если читает молебен искренне и смиренно.

  • «Древо Богородицы» помогает утешить страшную печаль и удалить из сердца неподобающую скорбь.
  • Перед ней просят о заступничестве и отведении злобных умыслов со стороны неприятелей.
  • Святыня имеет силу исцелить от смертельных недугов. Существуют свидетельства чудесного выздоровления смиренно просящих христиан.
  • Молитвы и Акафист Пречистой Деве дают силы в преодолении мирских трудностей и укрепляют веру во Всевышнего Творца.
  • «Древо Богородицы» помогает избавиться от семейных ссор и отгородить детей от порочных деяний и связей.
На заметку! Самым первым святым ликом был «Спас Нерукотворный», сотворенный Христом на полотенце. Эта святыня является прямым доказательством того, что Мессия благословил христиан на написание и поклонение иконам. Первое изображение Девы Марии сделали при её жизни, а называлось оно «Одигитрия».
Икона Богоматери «Древо Пресвятой Богородицы»

Состав святыни

На древе располагается 16 икон, каждая из которых представлена как плод на ветвях. В центре изображен основной лик — «Рождество Христово». Оно самое большое по размеру. «Древо Богородицы», символизирующее единение с Создателем, украшается цветущими розами красного цвета, а также зелеными листьями.

  • Слева и справа от центрального «Рождества Христова» демонстрируются по семь икон.
  • Одна находится в нижней части полотна, а сверху запечатлена «Святая Троица».
  • В самом низу виднеются очертания Небесного Иерусалима.

Эта композиция появилась в сложный период, когда люди теряли работу, а войны забирали жизни. Пречистая Дева призывает всех вспомнить о единстве душ и прекратить вражду между братьями. Человек очень легко забывает простые истины и отдается во власть непомерного эгоизма и порочности. Верующие, желающие прекратить вражду, обязаны находить спасение у икон. Молитва и акафист перед «Древом Богородицы» избавляют от страшных неприятностей.

На заметку! Каждый образ этой композиции помогает в конкретном прошении. Если поставить её в домашнем иконостасе, можно обрести большую защиту от болезней и невзгод. За счет этого святыня стала чрезвычайно популярной в православном мир. Людям по душе, что на холсте одновременно изображена Троица, Иисус и Дева Мария.

Относительно новая икона «Древо Пресвятой Богородицы» завоевала сердца многих верующих. Её молятся ради исцеления от страшных недугов, а также против вражеских козней и ссор в семье. Эта чудотворная композиция содержит все главные иконы, имеющие колоссальное могущество. Ежедневные молитвы и акафисты перед ней приносят успокоение и мир на душе.

Текст акафиста «Древо Богородицы» (Рождество Пресвятой Богородицы)!

Акафисты и молитвы этой святыне направляют верующего на путь истинного покаяния. Божья Матерь вечно милосердна и чиста, поэтому она слышит просьбы и стремится их удовлетворить. В начале каждого молебна необходимо очистить разум от порочных размышлений, а также умыть руки и лицо святой водой.

Конда́к 1.

Избра́нней от челове́ческаго ро́да и ро́ждшейся от непло́дове, Пречи́стей Де́ве Мари́и соста́вим похвалу́, я́ко рождество́м Ея́ нача́ло спасе́ния на́шего бы́сть и прише́ствие в ми́р Изба́вителя возвести́ся. Те́мже ра́достно Е́й возопии́м:

Ра́дуйся, Пречи́стая Де́во, Ма́терию Спаси́теля ми́ра от ве́ка предъизбра́нная.

И́кос 1.

А́нгел небе́сный предстоя́й пред Бо́гом, по́слан бы́сть к пра́ведным Иоаки́му и А́нне возвести́ти и́м ра́дость ве́лию, я́ко по непло́дствии свое́м и́мут роди́ти Дще́рь Преблагослове́нную, от Нея́же всему́ ми́ру ра́дость произы́дет. Те́мже и мы́, ра́дости сея́ прича́стницы, похва́льная пе́сни Де́ве воспое́м:

Ра́дуйся, в Тро́ичном Сове́те Ма́терию Сы́на Бо́жия от ве́ка предъизбра́нная; ра́дуйся, дре́вними проро́ками с патриа́рхи многообра́зне в о́бразех и се́нех прообразова́нная.

Ра́дуйся, вя́щшие пяти́ ты́сящ ле́т от созда́ния ми́ра ве́рными Бо́жиими рабы́, я́ко Ма́терь Изба́вителя ожида́нная; ра́дуйся, ле́ствицею Иа́ковом ви́денною, Бо́жие к челове́ком снизше́ствие прообразова́вшаго предука́занная.

Ра́дуйся, неопали́мою купино́ю в пусты́ни Сина́йстей Моисе́ом ви́денною, предвозвеще́нная; ра́дуйся, Чермны́м мо́рем Изра́илю су́х пу́ть да́вшему, фарао́на же потопи́вшему, о́бразне преднапи́санная.

Ра́дуйся, написа́тися на́м в кни́зе Живота́ Ве́чнаго посо́бствующая; ра́дуйся, Ца́рствия Небе́снаго невозбра́нный вхо́д на́м хода́тайствующая. Ра́дуйся, Пречи́стая Де́во, Ма́терию Спаси́теля ми́ра от ве́ка предъизбра́нная.

Конда́к 2.

Ви́дяще пра́веднии Иоаки́м и А́нна я́вльшагося и́м А́нгела, возвеща́юща рождество́ Твое́, Пресвята́я Де́во, возблагодари́ша Бо́га, призре́вшаго отъя́ти поноше́ние безча́дия и́х, и все́м се́рдцем те́пле возопи́ша: Аллилу́иа.

И́кос 2

Ра́зум Боже́ственнаго строи́тельства и на зе́млю снизше́ствия Своего́ Всеблаги́й Госпо́дь испо́лнити начина́я, посла́нием А́нгела Своего́ возвести́ти Иоаки́му и А́нне о рождестве́ Твое́м, Пресвята́я Де́во. Те́мже вопие́м Ти́ хвале́бно:

Ра́дуйся, ра́зума Боже́ственнаго проявле́ние; ра́дуйся, ди́внаго смотре́ния Его́ исполне́ние.

Ра́дуйся, дре́вле предуста́вленная послужи́ти воплоще́нию Сы́на Бо́жия; ра́дуйся, от все́х родо́в в жили́ще все́х Царя́ предъизбра́нная.

Ра́дуйся, еще́ в ра́й изрече́нием искуси́телю зми́ю о положе́нии вражды́ между́ те́м и Жено́ю и Се́менем Ея́ предука́занная; ра́дуйся, по исполне́нии време́н от непло́дове изволе́нием Бо́жиим сла́вне произше́дшая.

Ра́дуйся, ро́д челове́ческий рождество́м Свои́м возвесели́вшая; ра́дуйся, се́тование ча́явших уте́хи Изра́илевы преложи́вшая.

Ра́дуйся, Пречи́стая Де́во, Ма́терию Спаси́теля ми́ра от ве́ка предъизбра́нная.

Конда́к 3.

Си́ла Вы́шняго разреши́ непло́дство заматоре́вшия во дне́х свои́х пра́ведныя А́нны: зача́т бо Тя́, Пречи́стая, и, ча́я Твоего́ рожде́ния, ра́достно поя́ше Бо́гу Изра́илеву хвале́бную пе́снь: Аллилу́иа.

И́кос 3.

Иму́щая безму́жно роди́ти Спаси́теля ду́ш и теле́с на́ших, Ты́ и Сама́, я́ко чу́до пред ве́лиим и непостижи́мым чудесе́м, от непло́дных роди́телей сла́вно роди́ся, Пресвята́я Де́во. Те́мже воспева́ем Ти́ си́це:

Ра́дуйся, от ко́рене Иессе́ова и Дави́дова произше́дшая; ра́дуйся, от непло́дных ложе́сн пра́ведныя А́нны ди́вно прозя́бшая.

Ра́дуйся, проро́чеством Иса́ии пре́жде ле́т дре́вних Де́ва-Ма́терь проявле́нная; ра́дуйся, по обетова́нию А́нгела рожде́нная.

Ра́дуйся, ски́ниею свиде́ния и Ковче́гом заве́та прообразова́нная; ра́дуйся, процве́тшим жезло́м Ааро́новым обра́зне прознаменова́нная.

Ра́дуйся, пре́жде рождества́ Твоего́ в Ма́терь Бо́гу-Сло́ву освяще́нная и предугото́ванная; ра́дуйся, рожде́нием Твои́м ми́р освети́вшая.

Ра́дуйся, Пречи́стая Де́во, Ма́терию Спаси́теля ми́ра от ве́ка предъизбра́нная.

Конда́к 4.

Бу́ри поноше́ний челове́ческих о непло́дствии свое́м изба́вльшеся в зача́тии Твое́м, Пресвята́я Де́во, пра́веднии роди́телие Твои́ ра́довахуся, и в че́сть рождества́ Твоего́ учрежде́ние ве́лие творя́ху сро́дником и зна́емым, и ти́и сра́довахуся и́м, вопию́ща Бо́гу, сотво́ршему ми́лость Свою́, хвале́бную пе́снь: Аллилу́иа.

И́кос 4.

Слы́шавше окре́стные лю́дие, я́ко дщи́ Иоаки́ма и А́нны нарече́на бы́сть Мари́я, си́есть Госпожа́, проразумева́ху, Пречи́стая, вели́ку и сла́вну Тя́ бы́ти не то́кмо в лю́дех, но и у Бо́га. Мы́ же сбытие́ сего́ до́бре ве́дуще, велича́ем Тя́ си́це:

Ра́дуйся, Пресвята́я Де́во, не от челове́ка, но от А́нгела и́мя Себе́ еще́ пре́жде зача́тия прия́вшая; ра́дуйся, по и́мени сему́ Госпоже́ю всея́ тва́ри бы́ти сподо́бльшаяся.

Ра́дуйся, я́ко пра́веднии роди́телие Твои́ воздаю́ще Бо́гу благодаре́ние за рожде́ние Твое́, вели́кия да́ры в же́ртву Тому́ принесо́ша; ра́дуйся, я́ко сро́дником и зна́емым, ку́пно же и убо́гим ве́черю любве́ сотвори́ша.

Ра́дуйся, я́ко от свяще́нников, в до́м роди́телей Твои́х на торжество́ позва́нных, благослове́на еси́; ра́дуйся, я́ко от все́х на весе́лие о́но собра́вшихся, похвале́на и просла́влена была́ еси́.

Ра́дуйся, вы́ше вся́кия че́сти и похвалы́ я́вльшаяся; ра́дуйся, Ма́терию Бо́га-Сло́ва бы́ти сподо́бльшаяся.

Ра́дуйся, Пречи́стая Де́во, Ма́терию Спаси́теля ми́ра от ве́ка предъизбра́нная.

Конда́к 5.

Боготе́чная звезда́, возвеща́ющая прише́ствие Со́лнца Пра́вды, Христа́ Бо́га на́шего, в рождестве́ Твое́м яви́ся, о, Пресвята́я Де́во; те́мже лю́дие Бо́жии, прише́ствия Изба́вителя ве́рою ча́явшии, ви́дяще Тя́ чу́дно от непло́дове ро́ждшуюся, та́инственно возвесели́шася и возопи́ша: Аллилу́иа.

И́кос 5.

Ви́девши пра́веднии Иоаки́м и А́нна ро́ждшуюся от ни́х Богоотрокови́цу Мари́ю, о Не́йже А́нгел Бо́жий не́кая чу́дная и ди́вная те́м провозвести́, я́ко киво́ту Бо́жию, То́й послужи́ша, воспитава́юще и храня́ще Ю́, я́коже зе́ницу о́ка. Те́мже и мы́ похваля́юще Богоотце́в, сподо́бившихся роди́тельми бы́ти таковы́я Дще́ри, Де́ве Мари́и ра́достно воспева́ем:

Ра́дуйся, Пречи́стая Де́во, я́ко по рождестве́ Твое́м роди́телие Твои́ вельми́ возликова́ху; ра́дуйся, я́ко в явле́нии Твое́м в ми́р А́нгели и челове́цы согла́сно возра́довахуся.

Ра́дуйся, я́ко о Тебе́ вси́ проро́цы многообра́зне предглаго́лаху; ра́дуйся, я́ко еди́н от ни́х Врата́ми затворе́нными, и́н же Горо́ю преосене́нною Тя́ именова́ху.

Ра́дуйся, я́ко вся́ пресла́вная дре́вле та́инственно о Тебе́ предглаго́лано бы́ша; ра́дуйся, я́ко Градо́м и Селе́нием Бо́жиим псало́мская уста́ Тя́ наименова́ша.

Ра́дуйся, седмосве́щным свети́льником, я́ко седмию́ дара́ми Свята́го Ду́ха испо́лнена бы́ти име́вшая, предука́занная; ра́дуйся, позлаще́нною трапе́зою с хле́бами предложе́ния, я́ко Хле́б Жи́зни, Христа́, роди́ти име́вшая, предука́занная.

Ра́дуйся, Пречи́стая Де́во, Ма́терию Спаси́теля ми́ра от ве́ка предъизбра́нная.

Конда́к 6.

Пропове́дник богоно́сных веща́ния и глаго́лы исполня́я, изволе́нием Зижди́теля тва́ри на земли́ яви́лася еси́, Пресвята́я Де́во, естества́ на́шего цве́те, Ада́ма же и Е́вы воззва́ние и на пе́рвую добро́ту возведе́ние. Те́мже вси́ ве́рнии в рождестве́ Твое́м ра́дость обре́тши, духо́вно торжеству́ющим, пою́ще ди́вному в Сове́те Свое́м Бо́гу на́шему: Аллилу́иа.

И́кос 6.

Возсия́ в рождестве́ Твое́м, Пречи́стая, заря́ спасе́ния на́шего, во исполне́ние Боже́ственнаго смотре́ния, и́мже еди́на Ты́ от все́х родо́в досто́йна яви́лася еси́ пло́ть заимода́ти Зижди́телю Твоему́, прише́дшему спасти́ ро́д на́ш от дре́вния пра́отеческия кля́твы. Сего́ ра́ди взыва́ем Ти́ си́це:

Ра́дуйся, Ада́ма и Е́вы воззва́ние; ра́дуйся, дре́вния кля́твы разреше́ние.

Ра́дуйся, сено́внаго зако́на коне́ц и но́выя благода́ти нача́ло; ра́дуйся, промышле́ния Боже́ственнаго Таи́нница и на де́лания блага́я на́с при́сно наставля́ющая.

Ра́дуйся, еди́на во все́х ро́дех досто́йно обре́тшаяся бы́ти Ма́терию Бо́га-Сло́ва; ра́дуйся, и на́м но́вым во Христе́ лю́дем духо́вная Ма́ти я́вльшаяся.

Ра́дуйся, Ма́терним Твои́м попече́нием николи́же на́с оставля́ющая; ра́дуйся, в сы́ны и дще́ри Сы́ну Твоему́ досто́йны и благоуго́дны на́с приуготовля́ющая.

Ра́дуйся, Пречи́стая Де́во, Ма́терию Спаси́теля ми́ра от ве́ка предъизбра́нная.

Конда́к 7.

Хотя́ще обе́ты своя́ Го́сподеви возда́ти, пра́веднии роди́телие Твои́, Пресвята́я Де́во, триле́тствующую Тя́ отрокови́цу приведо́ша в хра́м Госпо́день со сла́вою и ра́достию мно́гою, первосвяще́нник же (Заха́рия), Ду́хом Бо́жиим объя́тый, введе́ Тя́ во Свята́я Святы́х, я́же проо́бразом то́кмо бы́ша Твоея́ Святы́ни. Ты́ бо вмести́ла в Себе́ не киво́т Заве́та, но святы́х Святе́йшаго Сы́на Бо́жия, во утро́бе Твое́й де́вственней пло́ть восприя́вшаго. Ему́же Ты́ с ли́ки деви́ческими вы́ну воспева́ла еси́: Аллилу́иа.

И́кос 7.

Но́вое и пресла́вное промышле́ние Боже́ственное бы́сть о Тебе́, Де́во Мари́е. В хра́ме бо Бо́жием жи́тельствующи пи́щу от ру́к А́нгельских принима́ла еси́, Пресвята́я. Те́мже мо́лим Тя́: напита́й на́с пи́щею благода́тною, да возрасте́м духо́вно в му́жа соверше́нна и Тебе́, Всецари́це, похва́льная возопие́м:

Ра́дуйся, преукраше́нная доброде́тельми, Отрокови́це, в хра́ме Бо́жием жи́ти и А́нгелом Собесе́днице бы́ти сподо́бльшаяся; ра́дуйся, посыла́вшуюся Тебе́ Бо́гом пи́щу от А́нгелов во Свята́я Святы́х принима́вшая.

Ра́дуйся, небе́сным хле́бом во хра́ме чуде́сно воспита́нная; ра́дуйся, к вели́кому та́инству воплоще́ния Сы́на Бо́жия та́мо предугото́ванная.

Ра́дуйся, я́ко повеле́нием Бо́жиим А́нгели на земли́ Тебе́ усе́рдно служа́ху; ра́дуйся, я́ко ти́и ны́не на Небесе́х, я́ко Цари́це, благогове́йно Тебе́ слу́жат.

Ра́дуйся, я́ко и мы́ недосто́йнии пе́сньми хвале́бными при́сно Тя́ велича́ем; ра́дуйся, я́ко и ро́ждших Тя́ Богоотце́в всегда́ ублажа́ем и в моли́твах и́х призыва́ем.

Ра́дуйся, Пречи́стая Де́во, Ма́терию Спаси́теля ми́ра от ве́ка предъизбра́нная.

Конда́к 8.

Стра́нное рождество́ Пречи́стыя Де́вы ви́девше, устрани́мся су́етнаго ми́ра, у́м на Небеса́ прело́жше, иде́же Богома́терь во сла́ве предстои́т Сы́ну Своему́ и Бо́гу, хода́тайствующи пред Ни́м о все́х ве́рных, всесла́вное рождество́ Ея́ (и в хра́м введе́ние) любо́вию пра́зднующих и вопию́щих Бо́гу: Аллилу́иа.

И́кос 8.

Вся́ тва́рь в рождестве́ Твое́м, Пречи́стая, обре́те ра́дость, печа́ль праоте́ческую потребля́ющую: произше́дшим бо от Тебе́ Христо́м Бо́гом, па́дшее во гре́х преслуша́ния естество́ на́ше от паде́ния воста́ и па́ки любе́зно Зижди́телю сотвори́ся. Те́мже уми́льно Ты́ взыва́ем:

Ра́дуйся, всеми́рныя ра́дости предвозвеще́ние; ра́дуйся, та́инство от ве́ка сокрове́ннаго явле́ние.

Ра́дуйся, Е́юже паде́ния воста́хом; ра́дуйся, Е́юже пре́жде отринове́нное естество́ на́ше и́стее Бо́гу присво́ися.

Ра́дуйся, Е́юже Иоаки́м и А́нна поноше́ния безча́дия свободи́шася; ра́дуйся, Е́юже безпло́дие серде́ц на́ших в благопло́дие примени́ся.

Ра́дуйся, Е́юже оби́лие бла́г ве́чных ве́рным от Го́спода подае́тся.

Ра́дуйся, Пречи́стая Де́во, Ма́терию Спаси́теля ми́ра от ве́ка предъизбра́нная.

Конда́к 9.

Вси́ А́нгели Бо́жии не ве́девшии та́йны Боговочелове́чения в Сове́те Триипоста́снаго Божества́ от ве́ка сокрове́нныя и напосле́док Де́вою Мари́ею явле́нныя, вельми́ удивле́ни бы́ша, зря́ще, ка́ко Дщи́ Иоаки́ма и А́нны необы́чно естеству́ же́нскому, во Свята́я Святы́х введе́ся. Те́мже недоуме́нием объя́ти бы́вше, благогове́йно вопия́ху: Аллилу́иа.

И́кос 9.

Вети́я дре́внейший, всему́дрый в царе́х Изра́илевых Соломо́н, прови́дя рождество́ Твое́, Пречи́стая, в Пе́снех Пе́сней со удивле́нием возглаша́ша: «Кто́ Сия́, проница́ющая, а́ки у́тро, добра́, я́ко луна́, избра́нна, я́ко со́лнце». Те́мже Це́рковь ликовству́ющи в пра́зднице Твое́м, ве́село Тебе́ вопие́т:

Ра́дуйся, невече́рняго дне́ Богове́дения у́тро светле́йшее, в зако́нней се́ни, я́ко во мра́це, возсия́вшее; ра́дуйся, солнцеобра́зная Де́во, и́стинное Со́лнце — Христа́, де́вственным воплоще́нием в ми́р вве́дшая и те́м вся́ просвети́вшая.

Ра́дуйся, светови́дная стихи́я, су́щественно прия́вшая Бо́га, живу́щаго во све́те непристу́пнем; ра́дуйся, Свои́м ма́лым чре́вом объя́вшая Безпреде́льнаго, вся́ концы́ вселе́нныя объе́млющаго.

Ра́дуйся, по́лная луно́, све́т боже́ственный непосре́дственно восприе́млющая и на́с те́м озаря́ющая; ра́дуйся, чисте́йшее зерца́ло, в не́мже мно́гая соверше́нства Бо́жия чу́дно и ве́рно изобража́ются.

Ра́дуйся, соверше́нством Твои́х доброде́телей и на́с к тому́ же подвиза́ющая; ра́дуйся, немощны́я на́ши си́лы к творе́нию до́брых де́л подкрепля́ющая.

Ра́дуйся, Пречи́стая Де́во, Ма́терию Спаси́теля ми́ра от ве́ка предъизбра́нная.

Конда́к 10.

Спасти́ хотя́ ро́д челове́ческий от перворо́дныя кля́твы, ди́вное смотре́ния Своего́ та́инство сотвори́ Госпо́дь: избра́ бо Тя́, Пречи́стая, от ро́да Авраа́мля и Дави́дова, и от Тебе́ безсе́менно воплоти́тися благоизво́ли, преше́д уста́вы естества́, но и тя́ произведе́ от заматоре́вша и непло́дна ко́рене Иоаки́ма и А́нны пра́ведников. Те́мже рождество́ Твое́ (и в хра́м вхожде́ние) дне́сь пра́зднующи и ро́ждших Тя́ пе́сньми восхваля́ющи, вопие́м Бо́гу: Аллилу́иа.

И́кос 10.

Царю́ Небе́сный, спасе́ния на́шего ра́ди хотя́ на земли́ яви́тися и с челове́ки пожи́ти, черто́г свя́т воплоще́ния Своего́, Тя́, Пречи́стая, предугото́ва, пода́в пло́д безча́дной А́нне, сле́зно с супру́жником Свои́м, моли́вшимся о разреше́нии своего́ непло́дства. Те́мже мо́лим Тя́, Богома́ти: разреши́ непло́дие ду́ш на́ших, да возмо́жем принести́ Бо́гу пло́д благи́х де́л доброде́тели, взыва́юще Ти́ си́це:

Ра́дуйся, пресве́тлый Черто́же безсе́меннаго Бо́жия воплоще́ния; ра́дуйся, одушевле́нная Пала́то, в жили́ще все́х Царя́ предугото́ванная.

Ра́дуйся, светле́йший о́блаче, и́мже Седя́щий на престо́ле Божества́ к на́м сни́де; ра́дуйся, Посре́днице зако́на и благода́ти, запечатле́ние Ве́тхаго и Но́ваго Заве́тов.

Ра́дуйся, неувяда́емая Лозо́, прекра́сный цве́т — Спаси́теля ми́ра, произрасти́вшая; ра́дуйся, благово́нное я́блоко, от непло́дове произра́стшее и Христу́ благоуго́дно я́вльшееся.

Ра́дуйся, и на́с, певце́в Твои́х, благоуго́дны Христу́ предста́вити тща́щаяся; ра́дуйся, я́ко и на́с, безпло́дны су́щих де́лы благи́ми, не лиша́еши духо́внаго утеше́ния.

Ра́дуйся, Пречи́стая Де́во, Ма́терию Спаси́теля ми́ра от ве́ка предъизбра́нная.

Конда́к 11.

Пе́снь хвале́бную рождеству́ Твоему́ (и в хра́м введе́нию) принося́щих не отри́ни, Влады́чице Блага́я, но ро́ждших Тя́ ра́ди, благоцве́тлива на́м бу́ди, моля́щи о на́с Сы́на Твоего́ и Бо́га на́шего, да пода́ст грехо́в проще́ние и жития́ исправле́ние, е́же в покая́нии сле́зном вы́ну благода́рно воспева́ем Ему́: Аллилу́иа.

И́кос 11.

Светоприе́мная и преми́рная Боже́ственнаго све́та Свеща́, единоро́дная Дще́рь Иоаки́ма и А́нны, предъизбра́нная в Ма́терь Единоро́дному Сы́ну Бо́жию, дне́сь от непло́дове пресла́вно произы́де, и просвеща́ет все́х рождество́ Ея́ (и в хра́м вхожде́ние) ве́рно пра́зднующих и благогове́йно взыва́ющих:

Ра́дуйся, светоза́рная Свеще́, Боже́ственным пла́менем возжже́нная; ра́дуйся, и на́с те́м благода́тно просвеща́ющая и согрева́ющая.

Ра́дуйся, та́инственная Клеще́, У́гль Боже́ственный Христа́ Го́спода во утро́бе и на рука́х Твои́х носи́вшая; ра́дуйся, и на́с в Та́инстве Причаще́ния приима́ти Того́ сподобля́ющая.

Ра́дуйся, живы́й и преукраше́нный Хра́м Госпо́день, о Не́мже пое́т Дави́д: «Свя́т Хра́м Тво́й, ди́вен в пра́вде»; ра́дуйся, Кади́льнице Свята́я, не фимиа́м, в возду́хе разлива́ющийся, но Христа́, ве́чное благово́ние в Себе́ вмести́вшая, и всю́ тва́рь те́м облагоуха́вшая.

Ра́дуйся, Престо́ле, превознесе́нный со сла́вою, одушевле́нное седа́лище Вели́каго Царя́, на́шего же Спаси́теля и Го́спода; ра́дуйся, Цари́це Небесе́ и земли́, с Сыно́м Твои́м и Бо́гом ве́чно ца́рствующая и на́с, убо́гих, не забыва́ющая.

Ра́дуйся, Пречи́стая Де́во, Ма́терию Спаси́теля ми́ра от ве́ка предъизбра́нная.

Конда́к 12.

Благода́ти па́че, не́же естества́ де́йство прояви́ся в рождестве́ Твое́м, Пречи́стая; моли́тву бо безча́дных роди́телей Твои́х, Госпо́дь услы́шав, подаде́ Тя́ и́м в утеше́ние, я́коже Авраа́му и Са́рре Исаа́ка, восхоте́в вку́пе и Своего́ смотре́ния та́инство на Тебе́ соверши́ти и угото́вати Тя́ в Ма́терь Единоро́дному Сы́ну Своему́, обетова́нному на́шему Искупи́телю. Ему́же благода́рно пое́м: Аллилу́иа.

И́кос 12.

Пою́ще сла́вное Твое́ от непло́дове рожде́ние (и в хра́м Госпо́день введе́ние), хва́лим Тя́ Пречи́стая, я́ко Таи́нницу Бо́жия о на́с спаси́тельнаго смотре́ния, воплоще́нием от Тебе́ Бо́га-Сло́ва явле́ннаго, и вопие́м Ти́ си́це:

Ра́дуйся, чи́стая Но́ева Голуби́це, рождество́м Твои́м преста́тие пото́ка сме́ртнаго возвести́вшая; ра́дуйся, ве́твь благове́стия Христа́ Спаси́теля погиба́вшему грехо́м ро́ду челове́ческому прине́сшая.

Ра́дуйся, еди́на блаже́нная в жена́х, послуша́нием Твои́м Бо́гу преслуша́ние прама́тери Е́вы испра́вившая; ра́дуйся, печа́ль Ада́ма и про́чих пра́отцев, (истоми́вшихся ожида́нием прише́ствия Изба́вителя) рождество́м Твои́м в ра́дость преложи́вшая.

Ра́дуйся, я́ко рождество́ Твое́ ра́дость возвести́ все́й вселе́нной; ра́дуйся, я́ко в рождестве́ Твое́м ма́тери ра́дуются и непло́ды веселя́тся (ве́дуще, я́ко и Ты́ от непло́дове произошла́ еси́).

Ра́дуйся, я́ко и все́х рождество́ Твое́ (и в хра́м вхожде́ние) ве́рно и благоче́стно пра́зднующих сподобля́еши благода́тнаго весе́лия; ра́дуйся, с Сыно́м Твои́м, одесну́ю Отца́ во сла́ве Его́, спосади́ти на́с, Его́ мно́го умоля́ющая.

Ра́дуйся, Пречи́стая Де́во, Ма́терию Спаси́теля ми́ра от ве́ка предъизбра́нная.

Конда́к 13.

О, Всепе́тая и Пречи́стая Ма́ти Де́во, приими́ сие́ на́ше хвале́бное пе́ние в че́сть пресла́внаго рождества́ Твоего́ (и в хра́м введе́ния) приноси́мое, и возроди́ в на́с жела́ние бла́г ве́чных, вку́пе же и изба́ви на́с, Це́рковь Твою́ Святу́ю, Оте́чество на́ше и оби́тели и́ноческия от вся́ких бе́д и напа́стей, от враго́в ви́димых и неви́димых, и бу́дущия изми́ му́ки и Небе́снаго Ца́рствия на́с сподо́би, да во ве́ки веко́в о Тебе́ вопие́м: Аллилу́иа.

Молитвы перед иконой Древо Богородицы

Молитва 1

«Царице моя Преблагая, надеждо моя, Богородице, Приятелище сирых и странных Предстательнице, скорбящих Радосте, обидимых Покровительнице! Зриши мою беду зриши мою скорбь, помози ми, яко немощну, окорми мя, яко странна. Обиду мою веси, разреши ту, яко волиши: яко не имам иныя помощи разве Тебе, ни иныя Предстательницы, ни благия Утешительницы, токмо Тебе, о Богомати, яко да сохраниши мя и покрыеши во веки веков. Аминь».

Молитва 2

» О Пресвятая Дево, Мати Господа Вышняго, Заступнице и Покрове всех, к Тебе прибегающих! Призри с высоты святыя Твоея на мя, грешнаго (имя), припадающаго ко пречистому образу Твоему; услыши мою теплую молитву и принеси ю пред Возлюбленнаго Сына Твоего, Господа нашего Иисуса Христа; умоли Его, да озарит мрачную душу мою светом Божественныя благодати Своея, да избавит мя от всякия нужды, скорби и болезни, да низпослет мне тихое и мирное житие, здравие телесное и душевное, да умирит страждущее сердце мое и исцелит раны его, да наставит мя на добрая дела, ум мой убо от помышлений суетных да очистит, исполнению же заповедей Своих мя научив, от вечныя муки да избавит и Своего Небеснаго Царствия да не лишит мя. О Пресвятая Богородице! Ты, «Всех скорбящих Радосте», услыши и мя, скорбнаго; Ты, именуемая «Утоление печали», утоли и мою печаль; Ты, «Купино Неопалимая», сохрани мир и всех нас от вредоносных огненных стрел врага; Ты, «Взыскание погибших», не попусти и мне погибнути в бездне грехов моих. На Тя бо по Бозе вся моя надежда и упование. Буди мне в жизни временней Заступница, и о жизни вечней пред Возлюбленным Сыном Твоим, Господем нашим Иисусом Христом, Ходатаица. Научи мя Тому убо с верою и любовию служити, Тебе же, Пресвятая Мати Божия, Преблагословенная Марие, благоговейно чтити до скончания дней моих. Аминь».

Посмотрите видео об иконе *Дерево Пресвятой Богородицы*